О́nerkásip jáne qurylys mınıstrligi sý tasqynynyń zardaptaryn joıý maqsatynda úılerdiń qurylysyn jedeldetip jatyr. Batys Qazaqstan oblysynyń Qaratóbe aýdanynda tamyz aıynyń sońyna deıin 90 úı salynady, dep habarlaıdy Egemen.kz vedomstvonyń baspasóz qyzmetine silteme jasap.
Qaratóbe aýdany Qorjyn aýylynda sý tasqynynan zardap shekken azamattarǵa arnalǵan 90 úıdiń qurylysy júrip jatyr. Qurylys jumystary tamyz aıynda aıaqtalady. Sonymen qatar 13 úıde jóndeý jumystary aıaqtaldy.
Atalǵan mınıstrliktiń Ahýaldyq ortalyǵynyń málimetinshe, Batys Qazaqstan oblysynda 3 332 nysanǵa tehnıkalyq zertteý júrgizilgen. Zertteý nátıjeleri boıynsha kelesi sharalar josparlanǵan:
- 401 turǵyn úı salý;
- 1 497 úı satyp alý;
- 1 434 úıde jóndeý jumystaryn júrgizý.