Maýsymnyń 15-nen 16-na qaraǵan túni Astanada Aıtmatov kóshesiniń boıynda qoǵamdyq kólikterge arnalǵan arnaıy avtobýs «Bus Lane» jolaǵy engiziledi, dep habarlaıdy Egemen.kz.
City Transportation Systems baspasóz qyzmetiniń habarlaýynsha, jalpy uzyndyǵy 10,5 km bólingen jolaq Sh.Qosshyǵululy kóshesinen J. Moldaǵalıev kóshesine deıingi ýchaskede paıda bolady.
Qazirgi tańda atalǵan ýchaskede qoǵamdyq kólik úshin bólingen jolaqqa jol belgilerin qoıý jumystary júrgizilip jatyr.
Bul bıyl qalada engizýge josparlanǵan jeti avtobýs jolynyń birinshisi. Sondaı-aq Máńgilik El dańǵyly, Turan dańǵyly, Táýelsizdik dańǵyly, Kereı Jánibek Handar kóshesi, Uly Dala jáne R.Qoshqarbaev dańǵyly boıynda da arnaıy jolaqtar engiziledi.
«Qoǵamdyq kóliktiń Bus Lane boıymen júrýi jol júrý ýaqytyn, aıaldamalarda avtobýs kútip turǵan jolaýshylardyń ýaqyt aralyǵyn qysqartady, sonymen qatar jedel járdem, arnaıy qyzmet pen órt sóndirý tehnıkasynyń kedergisiz qozǵalysyn qamtamasyz etedi», delingen habarlamada.
Qyrmyzy JUMAǴALIQYZY,
EUÝ stýdenti