Búgin, 14 maýsymda ótken Parlament palatalarynyń birlesken otyrysynda Joǵarǵy Sot Keńesiniń tóraǵasy Denıs Shıpp respýblıkalyq bıýdjet esebinen sot tóreligi akademııasynda oqyǵandardy sýdıa retinde jumys isteýge mindetteý josparlanyp otyrǵanyn málimdedi, dep habarlaıdy Egemen.kz.
Zań jobasyn talqylaý barysynda depýtat Abzal Quspan Joǵarǵy Sot Keńesi qoldanystaǵy zańnama boıynsha barlyq sottardyń sýdıalarynyń bos laýazymdaryna kandıdattardy irikteýdi konkýrstyq negizde júzege asyratynyn aıtty.
Joǵarǵy Sot Keńesiniń tóraǵasy Denıs Shıpp is júzinde sýdıalyq laýazymǵa konkýrsqa Sot tóreligi akademııasynyń barlyq túlekteri qatysa bermeıtinin aıtty. Sondaı-aq akademııa qurylǵaly beri 284 túlektiń 214-i sýdıa bolyp taǵaıyndaldy, bul 75 paıyzdy quraıtynyn aıta ketý kerek.
Depýtattar Parlament palatalarynyń birlesken otyrysynda sot tóreligin júzege asyrý sapasyn jáne Qazaqstandaǵy sýdıalardyń kásibıligin arttyrýǵa baǵyttalǵan zańdy birinshi oqylymda qarady.
Qyrmyzy JUMAǴALIQYZY,
EUÝ stýdenti