AQTО́BE. 17 qańtar. Aqtóbede sybaılas jemqorlyqqa qarsy semınar-keńes ótkizildi. Bul týraly egemen.kz tilshisi habarlady.
Oblys ákimdigi men memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamentiniń bastamasymen uıymdastyrylǵan bul semınar-keńes sybaılas jemqorlyqqa qarsy zańnamanyń ózekti máselelerine arnaldy. Semınar keńestiń jumysyna oblystyq atqarýshy organdar, oblys boıynsha tekserý komıssııasy, sondaı-aq ortalyq memlekettik organdardyń aýmaqtyq bólimsheleriniń basshylary, «Nur Otan» partııasy jáne «Atameken Odaǵy» UEP ókilderi qatysty.
Semınarǵa qatysýshylardyń aldynda sóılegen sózinde oblys ákimi apparatynyń basshysy Konstantın Petrov is-sharanyń maqsaty sybaılas jemqorlyqqa qarsy zańnamany túsindirý bolyp tabylatynyn atap ótti.
О́z kezeginde Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departament basshysynyń orynbasary, tártiptik keńes tóraǵasy Qaıyrjan Tokýshev sybaılas jemqorlyqqa qarsy kúres strategııasynyń negizgi erejelerin túsindirdi. Sonymen qatar, búginde Agenttik pen onyń aýmaqtyq bólimsheleri elimizde sybaılas jemqorlyq deńgeıin azaıtý úshin, memleket pen qoǵam ómiriniń ártúrli salasynda onyń sebepteri men jaǵdaılaryn joıý úshin júrgizip jatqan keshendi sharalarǵa toqtaldy.
Ol osyndaı sybaılas jemqorlyq korinisterin boldyrmaý maqsatynda búgingi kúni sheneýnikterdiń azamattarmen tikeleı baılanystaryn qysqartatyn jáne sybaılas jemqorlyq kórinisteri úshin jaǵdaılardy barynsha azaıtatyn memlekettik kórsetiletin qyzmetter salasyn damytý men memlekettik apparattyń jumysyn aqparattandyrý jóninde keshendi sharalar qabyldanýda ekenin jetkizdi. Sonymen qatar, májilis barysynda 2014 jyldy qorytyp, 2015 jylǵa memlekettik organdardyń jumysyn jaqsartý boıynsha mindetter belgilendi.
Satybaldy Sáýirbaı.
Derek: egemen.kz.
Sýret: refcon.org.