Prezıdentke Tótenshe jaǵdaılar mınıstri Shyńǵys Árinovty qabyldady. Mınıstr vedomtsvonyń atqaryp jatqan jumystary men aldaǵy jospary týraly esep berdi, dep jazady Egemen.kz Aqorda baspasóz qyzmetine silteme jasap..
Memleket basshysyna Tótenshe jaǵdaılar mınıstrliginiń shtattyq qurylymyn ońtaılandyrý jáne materıaldyq-tehnıkalyq quraldarmen jabdyqtalý deńgeıin arttyrý máseleleri týraly baıandaldy.
Shyńǵys Árinov Azamattyq qorǵaý akademııasynyń qurylysy, áýe avıasııasy parkin jańartý jáne Kaspıı teńiziniń jaǵasynda Ulttyq teńiz jasaǵyn qurý jumystary jaıynda aıtty.
Mınıstrdiń aıtýynsha, 20 órt sóndirý deposynyń qurylysy júrgizilip jatyr, sondaı-aq elordada tez qurastyrylatyn órt sóndirý deposy men jataqhana salý jónindegi pılottyq joba iske qosylǵan. Budan bólek, mınıstrlik ártúrli tabıǵı jáne tehnogendik sıpattaǵy tótenshe jaǵdaılardyń aldyn alý jáne jedel áreket etý sharalaryn jetildirý jumystaryn júrgizýde.
Sonymen qatar Prezıdentke qutqarý bólimshelerin sıfrlandyrý, kadrlyq áleýetti arttyrý jáne azamattyq qorǵaý organdary qyzmetkerlerin áleýmettik turǵydan qoldaýdy kúsheıtý sharalary týraly málimet berildi.
Kezdesý sońynda Qasym-Jomart Toqaev azamattardyń qaýipsizdigin qamtamasyz etý jáne TJM qurylymyn jetildirý jóninde birqatar naqty mindet júktedi.