Aqmola oblysy Zerendi aýdanynyń polısııa bólimine jergilikti turǵyn aryzdanyp, onyń atyna bankten 2 mln teńge shamasynda zańsyz nesıe rásimdelgenin málimdedi, dep habarlaıdy Egemen.kz.
Polısııa qyzmetkerleri jedel izdestirý sharalary barysynda buryn birneshe ret qylmystyq jaýapkershilikke tartylǵan 48 jastaǵy Kókshetaý qalasynyń turǵynyn anyqtady.
Jábirlenýshiniń aıtýynsha, kúdikti 2023 jyldyń jeltoqsan aıynda jábirlenýshige alkogoldik ishimdik berip, ony kólikpen oblys ortalyǵyna aparǵan.
Kókshetaýda kúdikti jábirlenýshige bank fılıaldarynyń birinde birlesken nesıe alý usynǵan. Kúdiktige jábirlenýshiden tek bir selfı qajet bolǵan. Alaıda keıinirek ol jábirlenýshige banktik nesıe maquldanbaǵanyn aıtyp, sendirgen.
Atalǵan faktige qatysty polısııa qyzmetkerleri QR QK-niń 190-babynyń 1-bóligi (Alaıaqtyq) boıynsha sotqa deıingi tergep-tekserý amaldaryn júrgizip jatyr.