Kıeli mekenge saıahat

Keıingi jyldary baýyrlas eki el arasyndaǵy týrıster aǵyny artyp kele jatqanyn baıqaýǵa bolady. Onyń ishinde zııarat týrızmi qarqyndy damyp keledi.

Taıaýda Týrızm jáne sport mınıstri Ermek Marjyqpaev ShYU-ǵa múshe memleketterdiń týrızm ákimshilikteri basshy­la­rynyń otyrysy aıasynda ót­ken О́zbekstannyń Ekologııa, qorshaǵan ortany qorǵaý jáne klımattyń ózgerýi mınıstri Azız Abdýhakımovpen kez­desti. Kez­desý barysynda Er­mek Mar­jyqpaev Qazaqstan men О́z­bekstannyń týrızm salasyndaǵy yntymaqtastyǵy damyp kele jatqanyn atap ótti. Qazirgi tań­da transshekaralyq týrızmdi damytýǵa baǵyttalǵan birlesken birneshe joba iske asyrylýda.

Sondaı-aq mınıstr О́zbek­stan aýmaǵynda Islam máde­nıetiniń jáne IýNESKO-nyń Búkilálemdik murasy retinde tanylǵan kóptegen qasıetti mekeni bar ekenine toqtaldy. Atap aıtqanda, álemniń tanymal týrıstik jáne mádenı as­tanalary sanalatyn Qoqan, Shahrısabz, Samarqand sııaqty ta­rıhı qalalary bar. Qazaqstan men О́zbekstannyń memlekettik organdary men týrıstik kom­panııalarynyń qatysýymen qolǵa alynǵan «Tabarrýk Zııo­rat» jobasy tek Qazaqstan azamattaryn ǵana emes, basqa elderden keletin týrısterdi de tartýǵa yqpal etedi.

«Osy baǵyttaǵy jumystardy jalǵastyrýdy usynamyn. Bir­lesken transshekaralyq joba­lardy iske asyrý Qazaqstan men О́zbekstan arasyndaǵy týrıs­ter aǵyny ósýine oń áser etetinine senimdimin. «Tabarrýk Zııorat» – ejelgi qalalar men eskertkishterdi ǵana emes, eń bas­tysy – túrki memleketteriniń ortaq tarıhyn biriktiretin biregeı joba. Keıingi jyldary Qazaqstanda Mańǵystaý ob­lysynyń týrıstik áleýeti qarqyndy damyp kele jatyr. Aımaq saıahatshylarǵa óziniń sulý tabıǵatymen, kýrorttarymen ǵana emes, sonymen qatar kóptegen qupııasy bar baı tarıhymen de qyzyqty dep oılaımyn. Osyǵan baılanysty Mańǵystaý oblysyn О́zbekstan óńirlerimen baılanystyratyn jańa baǵyt ázirleýdi, turaqty tikeleı áýe reıs baǵyttaryn keńeıtý múmkindigin qarastyrý qajet», dedi Ermek Marjyqpaev.