Tasqynnan zardap shekkenderge 775 úı salynady

Eldi meken Oral qalasynan 10 shaqyrym qashyqtyqta orna­las­qan. Sý tasqyny kezinde aýyl ózge eldi mekenderge qara­ǵan­da kóbirek zardap shekti – 481 otbasy baspanasynan aıyryldy.

– Barlyq dúnıe-múlik, tórt túlik sý astynda qaldy. Úıdi sý basty. Biz kópbalaly otbasymyz. Alǵashynda bizge mekteptegi evakýasııalyq pýnktte tósek-oryn berildi. Qazir baspana jaldap jatyrmyz. Memleketten materıaldyq kómek aldyq. Endi tezdetip turǵyn úı alǵymyz keledi, – dedi jergilikti turǵyn Marııam Qaıratqyzy.Búginde Terekti aýdanyn­da birqabatty 131 úıdiń qury­lysy júrgizilip jatyr. Ár úıdiń jalpy aýdany – 80 sharshy metr. Podstepnoe aýlynda 106 úı salynady. Bul jumysqa 10 merdiger kompanııa jumyldyrylǵan. 670 úı ıesi 100 AEK (369 200 teńge) mólsherinde birjolǵy materıaldyq kómek aldy. 506 úı ıesiniń materıal­dyq shyǵynynyń orny tolty­ryl­dy. Aýylda mektepti jón­­deý jumysy bastaldy. Jol jóndeý­ge jáne bógetterdi qalpyna kelti­rýge bıýdjetke ótinim berildi.

– Depýtattar alǵashqy kún­nen-aq oqıǵa ornynan tabyldy. О́z basym zardap shekken otbasylarmen birneshe ret kezdes­tim, sý tasqynyna qarsy is-qı­myl boıynsha ákimdiktermen birge jumys istedim, baǵalaý komıssııalarynyń jumysy­na atsalystym. Barlyq máse­le Prezıdent baqylaýynda boldy. Qazir bizdiń basty maqsatymyz – zardap shekken jandardyń barynsha tezirek baıyrǵy ómirge oralýyna jaǵdaı jasaý, úılerdi, jeke qosalqy sharýashylyqtardy, áleýmettik ınfraqurylymdy, balabaqshalar men aýrýhanalardy qalpyna keltirý, – dedi Nartaı Sársenǵalıev.

Eske sala keteıik, buǵan deıin Májilis depýtattary sý tas­qynyna qarsy is-qımyl jumy­syna barynsha atsalysý ma­q­satymen zardap shekken óńir­lerge barǵan bolatyn. Halyq qalaý­lylary turǵyndardyń óti­nish-tilegin quzyrly organdarǵa jetkizip, qajetti resýrstardy jedel jumyldyrý jumysyn uıymdastyrdy.