Almaty oblysynda «Taza Qazaqstan» respýblıkalyq aksııasy jalǵasyp jatyr. Búginde oblys turǵyndary týǵan ólkeni abattandyrýǵa belsendi qatysyp júr, dep habarlaıdy Egemen.kz oblys ákimdigine silteme jasap.
Búgingi ekologııalyq is-sharalarǵa Almaty oblysynyń júzdegen turǵyny jınaldy, olardyń arasynda jergilikti atqarýshy organdardyń ókilderi, qoǵamdyq uıymdar, belsendiler men eriktiler de bar.
Aksııanyń basty maqsaty - qorshaǵan ortany taza jáne kórikti etý, ekologııalyq máselelerdi basty nazarǵa alyp, tabıǵatty qorǵaý.
Jambyl aýdanynda «Taza Qazaqstan» respýblıkalyq aksııasy aıasynda jastar, kásiporyn qyzmetkerleri men aýdan turǵyndarynyń qatysýymen Qarǵaly ózeniniń jaǵalaýynda tazalyq jumystary júrgizilip, aınalasy qoqystan tazartyldy. Atalǵan is-sharaǵa júzdegen turǵyn qatysyp, ózen jaǵalaýynyń tazarýyna úles qosty.
Jyl basynan beri «Taza Qazaqstan» aksııasy aıasynda 7 myńnan astam adamnyń, 369 kásiporyndar, uıymdar men mekemelerdiń qatysýymen 100 aýla, 65 kópqabatty turǵyn úı, 44 jeke turǵyn úı, 14 saıabaq pen alań, 7 tarıhı mádenı eskertkish, 211 áleýmettik nysan, 8 ónerkásip jáne bıznes obektisi, 155 sharshy metr ózen jaǵalaýy men 121 metr aryq boıy tazalanyp, 9 júk kóliginiń tasymaldaýymen 15 tonna qatty turmystyq qaldyqtar shyǵaryldy.
Joǵaryda atalǵan aýdanda 29 maýsym kúni 1 569 adamnyń, 64 kásiporyndar, uıymdar men mekemelerdiń qatysýymen 11 aýla, 9 kópqabatty turǵyn úı, 3 saıabaq pen alań, 4 tarıhı mádenı eskertkish, 65 áleýmettik nysan, 5 ónerkásip jáne bıznes obektisi, 35 sharshy metr ózen jaǵalaýy jáne 27 metr aryq boıy tazalanyp, 9 júk kóliginiń tasymaldaýymen 3 tonna qatty turmystyq qaldyqtar shyǵaryldy.
Raıymbek aýdany Narynqol aýyldyq okrýginiń turǵyndary Baıynqol ózeniniń arnasyn tazartý boıynsha senbilikke shyqty. Ekologııalyq is-sharaǵa 50-den astam adam qatysty, tazartý jumystaryna 1 samosval, 1 traktor jumyldyryldy.
Raıymbek aýdanynda jyl basynan beri «Taza Qazaqstan» aksııasy aıasynda 24 000 adam, kásiporyndar, uıymdar men mekemelerdiń qatysýymen 467 aýla, 1000 jeke turǵyn úı, 11 saıabaq pen alań, 42 tarıhı mádenıet eskertkishi, bıznes nysandary, ózen jaǵalaýy men aryqtyń 286 700 sharshy metri tazalanyp, 185 júk kóliginiń tasymaldaýymen 310 tonna qatty turmystyq qaldyq shyǵaryldy.
Aksııa sońynda qatysýshylarǵa ashyq aýada fleshmob uıymdastyryldy, oǵan ár túrli taqyryptaǵy úsh komandanyń jarystary kirdi. Bul is-sharalarǵa 150-den astam adam qatysty. Qorytyndysy boıynsha qatysýshylarǵa syılyqtar tabystaldy. Sondaı-aq bul óńirlerde ekologııalyq saýatty arttyrý jáne qoǵamdyq oryndarda tazalyqty saqtaý maqsatynda «Tazalyq saqtaıyq» atty chellendj uıymdastyryldy.
«Taza Qazaqstan» respýblıkalyq aksııasyna memlekettik mekemeler men jeke uıymdar, sharýa qojalyqtary, jastar, volonterlik jáne úkimettik emes uıymdar, máslıhat depýtattary tartyldy. Oblys boıynsha barlyǵy 450 myń adam qatysty, 850-den astam eskertkish pen murajaı tazartyldy, 19 506 tonna qoqys shyǵaryldy, 45 myńnan astam aǵash pen butalar otyrǵyzyldy, 2304 birlik mamandandyrylǵan tehnıka tartyldy. Oblystyń 340 myń oqýshysynyń qatysýymen «О́z aǵashyńdy otyrǵyz» aksııasy uıymdastyryldy.