Búgin, 9 shilde kúni saǵat 09:52 shamasynda «KEGOC» AQ júıelik operatoryna batys óńirde apatty rejım jarııalanǵany týraly habar kelip túsken. Bul týraly Atyraý oblysynyń energetıkalyq kesheni habarlady, dep jazady Egemen.kz.
Nátıjesinde Atyraý qalasynyń bir bóligi men Qyzylqoǵa, Mahambet aýdandarynda elektr qýaty sónip, turǵyndar 5 saǵattan astam ýaqyt boıy jaryqsyz otyrǵan.
«Saǵat 11:05 shamasynda apattyń aldyn alý úshin avtomatıka iske qosylyp, 110/35 kV quraıtyn birqatar jeli ajyratylǵan edi. Oǵan Atyraý men Mańǵystaý oblystaryndaǵy qýattyń tapshylyǵy áser etip otyr. Atyraý oblysynyń energojúıesinde tehnologııalyq ózgeris bolmas úshin kestege sáıkes «Atyraý Jaryq» AQ jelilerindegi kásipkerlik qyzmetke shekteýler engizildi. Saldarynan Atyraý oblysyndaǵy Mahambet, Qyzylqoǵa aýdandary men Atyraý qalasynyń sol jaq bóligi jaryqsyz qaldy», dep habarlady jenrgetıkalyq keshenniń baspasóz qyzmeti.
Aıta keteıik, saǵat 15:33 shamasynda barlyq abonent jaryqpen tolyq qamtamasyz etilgen.