Qarjylyq monıtorıng agenttigi Astana qalasynda "Olımpıadalyq emes túrler boıynsha sportty damytý dıreksııasy" KMM-da bıýdjet qarajatyn júıeli túrde urlaý faktisin anyqtady, dep habarlaıdy Egemen.kz.
Máselen, 2021-2022 jyldar kezeńinde QMM laýazymdy tulǵalary oqý-jattyǵý jıyndaryn ótkizýge bólingen bıýdjettik qarajatty jymqyrǵan. Is júzinde jıyndar ótkizilmedi, jattyqtyrýshylar sportshylardyń júrip-turýy jáne tamaqtanýy týraly jalǵan esep tapsyrǵan. Zańsyz áreketterden memleketke keltirilgen zalal somasy 40 mln teńgeden asady.
Osy fakti boıynsha sotqa deıingi tergeý júrgizilip jatyr. Kúdikti sottyń sanksııasymen qamaýǵa alyndy.
QR QPK 201-babynyń talaptaryna sáıkes ózge de málimetter jarııa etilýge jatpaıdy.
QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.