Shenchjen ýnıversıtetimen birlesken zerthana

Eki el arasyndaǵy yq­pal­dastyq kelisimine qol qoıý rásimi Qytaı Halyq Respýblıkasynyń prezıdenti Sı Szınpınniń Qazaqstanǵa resmı sapary aıasyndaǵy negizgi oqı­ǵa­lardyń biri boldy. Kelisim eki el arasyndaǵy ǵylymı baılanysty nyǵaıtýǵa jáne birlesken zertteý­ler júrgizýge baǵyttalyp otyr.

Saltanatty is-sharaǵa Shench­jen ýnıversıteti medısına fakýltetiniń atqarýshy dekany professor Sınchjı (Ksaver) Sıýı, Prezıdent janyndaǵy UǴA prezıdentiniń mindetin atqarýshy Lıazzat Eralıeva, S.Asfendııa­­rov atyndaǵy Qazaq ulttyq medısına ýnıversıtetiniń basqar­ma tóraǵasy-rektor Marat Shoranov, QHR Almatydaǵy Bas konsýly Szıan Veı, sondaı-aq «О́mir jáne den­saýlyq týraly ǵylymdar» sala­syndaǵy jetekshi ǵalymdar qatysty.

Almaty qalasyndaǵy QHR Bas konsýly Szıan Veı quttyq­taý sóz sóılep, memleketara­lyq ynty­maqtastyq másele­sine toq­ta­lyp ótse, UǴA prezıdentiniń min­detin atqarýshy Lıazzat Eralıeva akademııanyń qyzmeti, jańa qurylyp jatqan zerthana týraly aqparat berdi. Shench­jen ýnıversı­teti ǵylymı qyz­me­­ti­niń nátıjelerine professor Sınchjı (Ksaver) Sıýı toqtalyp, halyqaralyq jobalardyń mańyzy týraly aıtty. 1983 jyly irge­tasy qalan­ǵan Shenchjen ýnıversıteti bıomedısınalyq ınjenerııa jáne bıologııa boıynsha PhD mamandaryn daıarlaıdy. USNews álemdik reı­tınginde ózindik orny bar oqý ornynda búginde 250-den astam halyq­aralyq oqytýshy jumys isteıdi.

Shenchjen – Almaty medısına ǵylymdarynyń aldyńǵy qatarly zerthanasynyń bir fılıa­ly Almaty qalasyndaǵy Ulttyq ǵylym akademııasynda, al ekinshisi Shenchjen ýnıversıtetinde ornalasady. Birlesken yntymaqtastyq aıasynda tabıǵı ónimderden dári­lik preparattar ázirleýdi, genom zertteýlerin, ınfeksııa­lyq ımmýnıtet pen qabynýdy, son­daı-aq medısınalyq jab­dyq­­tardy ázirleý josparlanyp otyr. Alǵashqy zertteý­ler «Fıto­shıkizat negizinde jańa dárilik kandıdattardyń kópmaqsatty ázirlemesi» jobasymen bastalmaqshy.

Saltanatty rásimde, sonymen birge Ulttyq ǵylym akademııa­sy, Shenchjen ýnı­versıteti jáne S.Asfen­dııarov atyndaǵy Qaz­UMÝ arasyndaǵy úshjaqty memo­­­randýmǵa qol qoıyldy. Memo­­randým akademııalyq jáne medı­sınalyq mekemeler ara­syn­­daǵy baılanysty nyǵaıtýǵa, bir­­lesken ǵylymı zertteýler júr­­gi­zýge, bilim men tájirıbe alma­sýǵa, son­daı-aq bilim berý baǵdar­la­ma­laryn, joba­laryn iske asyra­tyn tyń basta­malarǵa serpin beredi.

ALMATY