Elimizde agroónerkásip kesheni salasyndaǵy transulttyq kompanııalardyń qatysýymen 7 joba júzege asyrylatyny osyǵan deıin aıtylǵan. Sonyń biri – Almaty oblysynda iske qosylyp otyrǵan «PepsiCo» transulttyq kompanııasynyń iri ınvestısııalyq jobasy. Úkimet bul Ortalyq Azııadaǵy eń iri joba bolady dep úmittenedi.
Zaýyttyń iske qosylýy 2026 jylǵa josparlanǵan, onyń qýattylyǵy jylyna 16 myń tonna daıyn ónimge deıin, keıinnen 2027 jyldan bastap 21 myń tonnaǵa deıin ósedi. Jobanyń maqsaty – oblysta tamaq ónerkásibiniń jáne jalpy ekonomıkanyń damýyna oń áser etetin tuzdy taǵamdar óndirisin jolǵa qoıý. Jobany júzege asyrý barysynda kompanııa qyzmetkerleri men merdigerlerdi qosqanda 1 000-ǵa jýyq qyzmetkerdi tartý josparlanǵan. Nátıjesinde, oblysta 350-ge jýyq turaqty jumys orny ashylady.
Alataý qalasynyń ákimi Árken О́tenov «PepsiCo» sekildi álemdegi eń jetekshi transulttyq kompanııanyń kelýi jańa jumys oryndaryn ashýǵa, ınvestısııa men tehnologııa jáne qosymsha qarjy tartýǵa, kásipkerlik belsendilikti damytýǵa, salyq túsimderin ulǵaıtýǵa múmkindik beretinin, bul óz kezeginde óńirdiń ınvestısııalyq tartymdylyǵy men ekonomıkalyq turaqtylyǵyn jaqsartýǵa yqpal etetinin aıtty. «Joba jas qala úshin halyqaralyq deńgeıdegi №1 joba. Qala ákimdigi kompanııanyń áleýmettik baǵyttaǵy kez kelgen jobasyna qoldaý bildirýge daıyn», dedi ol.
«Kazakh Invest» Ulttyq kompanııasy Basqarma tóraǵasy Erjan Elekeev «PepsiCo sııaqty iri ınvestordyń kelýi elimizdiń joǵary ınvestısııalyq tartymdylyǵyn rastaıdy dedi.
«Memleket basshysy Qasym-Jomart Toqaevtyń tapsyrmasyna sáıkes, jańa óndiris oryndarynyń iske qosylýyna, jańa jumys oryndarynyń ashylýyna qolaıly jaǵdaı jasalyp, bul úshin barlyq deńgeıdegi memlekettik organdar nátıjege baǵyttalǵan bir ujym bolyp jumys atqaryp jatyr. «Búgin biz «PepsiCo» kompanııasymen jobany damytýdyń jol kartasyna qol qoıdyq, onda Qazaqstanda resýrstyq emes sektorda jańa kásiporyn salý jobasyn iske asyrýdy qamtamasyz etý jáne odan keıin onyń eksporttyq áleýetin iske asyrý boıynsha barlyq taraptardyń jaýapkershiligi men merzimderi naqty kórsetilgen», deıdi.
Jobaǵa Almaty oblysynyń ákimdigi men О́ńirlik damý ortalyǵy aıtarlyqtaı qoldaý kórsetken. 2023 jyldyń qarasha aıynda jobaǵa «Investısııa» mártebesi berilip, aımaqtyq úılestirý keńesinen sátti ótip, jer telimin tirkeýdiń barlyq rásimderi aıaqtalǵan. Kompanııa qazir zaýyt jobasyn jasap jatyr. Resmı irgetasyn qalaý saltanaty bıyl qyrkúıek aıyna josparlanǵan.
«PepsiCo» kompanııasy FMCG sektoryndaǵy kóshbasshylardyń biri jáne otandyq naryqta 20 jyldan astam qyzmet etip keledi. Kompanııa búkil el boıynsha qyzmetin usynady. Ortalyq Azııanyń bıznes aýdıtorııasyna arnalǵan negizgi keńse Almaty qalasynda ornalasqan. Onyń quramyna taǵy eki elde – Qyrǵyzstan men О́zbekstandaǵy ókildikter kiredi. Qazirgi ýaqytta «PepsiCo»-nyń elimizdegi ujymynda – 250-den asa, al Ortalyq Azııa aımaǵynda 500-den astam qyzmetkeri jumys isteıdi. Kompanııa 2024 jyly qatarynan 7-shi ret jahandyq «Top Employers» ınstıtýtynyń bedeldi «Úzdik jumys berýshi» sertıfıkatyn ıelendi.
2024 jyldyń sońyna qaraı «PepsiCo» otandyq aýyl sharýashylyǵy óndirýshileri úshin seriktestik baǵdarlamasyn iske qosady. Onyń aıasynda «PepsiCo» fermerlerdi kartoptyń arnaıy «chıp» sorttarynyń tuqymdarymen qamtamasyz etedi, al kompanııanyń agrokomandasy seriktesterge zamanaýı tehnologııalardy engizý boıynsha turaqty túrde keńes beredi.