Astanadaǵy aýlalardyń birinen áıeldiń máıiti tabylǵan. Qaıǵyly oqıǵaǵa kórshileri men ótip bara jatqandar kýá bolǵan. Marqumnyń jeke ómiriniń egjeı-tegjeıin kórshisi "Astana - Chto? Gde? Kogda?" Telegram-arnasynda aıtyp bergen, dep jazady Egemen.kz.
Onyń aıtýynsha, kelinshektiń bes balasy bar. Kenjesi – 1 jasta.
- 1990 jylǵy áıeldiń balkonnan sekirgenine kýá boldym. Bes balanyń anasy, kishisi bir jasta. Kúıeýi basqa qalaǵa ketip qalyp, onymen janjal shyqqan, – deıdi ol.
Qoǵamdyq densaýlyq saqtaý departamentiniń málimetinshe, áıeldiń máıiti polısııaǵa tapsyryldy.
- Oqıǵa ornyna jedel medısınalyq brıgada shaqyryldy. Medısınalyq top kelgen kezde úıdiń aýlasynan áıeldiń máıiti tabyldy. Kýágerlerdiń aıtýynsha, áıel joǵary qabattan qulaǵan. О́mirge sáıkes kelmeıtin jaraqattan qaıtys boldy, – delingen habarlamada.
Polısııa bul fakti boıynsha sotqa deıingi tergeý amaldary júrgizilip, saraptamalar taǵaıyndalǵanyn habarlady.