Parıj Olımpıadasynda bokstan el namysyn qorǵap jatqan úsh boksshymyz ekinshi kezdesýin kimge qarsy, qashan ótkizetini belgili boldy, dep jazady Egemen.kz.
27 shilde kúni alǵashqy jekpe-jeginde jeńiske jetken, 63, 5 kelide judyryqtasatyn Muhammedsabyr Bazarbaıuly ekinshi kezdesýinde qytaılyq Taıpeı ókili Leı Chý Enge qarsy sharshy alańǵa shyǵady.
Boks básekesin 29 shildeden 30 shildege qaraǵan túni (búgin) 00:04-te Qazsport arnasy tikeleı efırde kórsetedi.
28 shilde kúni nıgerııalyq Adam Olaoreni nokdaýnǵa túsirip, senimdi jeńiske jetken Aıbek Oralbaı (92 kg) shırek fınalda ázerbaıjandyq Loren Berto Alfonso Domıngesti jeńýge kúsh salady. Bul kezdesý 1 tamyzǵa josparlanǵan.
Qyzdar quramasy sapynda Nazym Qyzaıbaı da 1 tamyz kúni Parıj Olımpıadasy aıasynda ekinshi ret rıngke shyǵady. Nazym Karolın Barbosa de Almeıdamen (Brazılııa) judyryqtasady. Ol kúni keshe ıtalııalyq Djordana Sorrentınodan basym tústi.