«Taza Qazaqstan. Astana – tazalyq pen tártiptiń úlgisi» ekoaksııa sheńberinde jańadan «Taza Astana» áleýmettik jobasy iske qosyldy, dep habarlaıdy Egemen.kz qala ákimdiginiń resmı saıtyna silteme jasap.
«Taza Astana» jobasy sheńberinde qatysýshylar úılerdiń tizimderin qalyptastyrdy, olardyń árqaısysyna basqarý organy (MIB/ÝK/PIK/JShS) qyzmet kórsetedi, aýlalardyń ishinde olardyń jaldanǵan servıstik uıymdary nemese aýdan ákimdikterinen merdigerlik uıymdar jumys isteıdi. Ár aýmaqqa ýchaske sheberleri nemese dıspetcherler bekitiledi.
Arnaıy qurylǵan komıssııa toqsan saıyn «Eń taza aýla», «Eń úzdik kásiporyn», «Eń úzdik mekeme» ataqtaryn belgileıdi.
Komıssııa quramyna Astana qoǵamdyq keńesiniń ókilderi, aýdandyq máslıhat depýtattary, «Atameken» О́KP salalyq keńesteriniń, salalyq qaýymdastyqtardyń, múgedekter, ardagerler qoǵamdarynyń birlestikteriniń ókilderi, ekologtar jáne t.b. kiredi.
Ýchaskelerdiń qyzmet kórsetetin aýmaqtary boıynsha qolda bar barlyq aqparat qoldanystaǵy birge.astana.kz platformasynda testilik rejımde tamyz aıynyń sońynda jarııa túrde qoljetimdi bolady.