Sadaqshylar saıysy

Surmergender saıysatyn básekege elimizdiń túkpir-túkpi­rinen 300-ge tarta sportshy kelip, baq synasty. Aıta keteıik, keń aýqymdaǵy saıys О́skemende tuń­ǵysh ret ótti. Tipti el kó­leminde mundaı dúbirli doda buryn-sońdy bolmaǵan desedi.

– Shyǵystaǵy sadaq federa­sııasynyń prezıdenti Ajar Rah­metqyzy usynys aıtqan soń, birinshilikti О́skemende ótkizýdi jón dep sheshtik. Bul óte durys boldy. Sebebi qaıta jańǵyrǵan baba dástúri elimizdiń Shyǵysyn­da da damýy kerek. Búgingi ja­rys kópshiliktiń sadaq atýǵa degen qy­zyǵýshylyǵyn oıatqan sekildi. Bir aıta keterligi, buǵan deıingi ótken chempıonattarda munsha kóp sadaqshy qatyspaǵan, – deıdi Sadaq atý federasııasynyń vıse-prezıdenti Dıas Ahmetov.

Dástúrli sadaq atýdan aýqym­dy jarysty Qazaqstan Res­pýb­lıkasy Ulttyq sport qaýym­das­tyǵy men «Oskemen sadaq atu» dástúrli sadaq atý federasııa­sy birlesip uıymdastyrǵan. Jas­óspirimder arasyndaǵy ja­rysqa 7 jastan 17 jasqa deıingi sadaqshylar qatysyp, pýta, qal­qan, jamby nysanada baq sy­nas­ty. Ár qatysýshyǵa ár ny­sa­naǵa bes múmkindikten berildi. Jas erek­shelikterine qaraı ara­qa­shyqtyq ta ártúrli boldy. Mysa­ly, 7-9 jastaǵy sadaqshy­lar 10 metr­den sadaq tartsa, ­10-12 jas­taǵylar – 15 metrden, 13-15 jas­­taǵylar – 20 metrden, 16-17 jas­taǵy jasóspirimder 25 metr­den ny­sana kózdedi. Sánge aınal­ǵan sa­daq saıysynyń bir erekshe­ligi, qaty­sýshylar ulttyq kıim­men keldi.

Sap túzegende, kórer­men qa­­ýym baıyrǵy qazaqtyń ul-qyz­­­­da­ryn kórgendeı boldy. Bul bi­rin­­­shi­liktiń О́skemende ótip jat­­­qa­nyna muryndyq bol­ǵan – Shy­ǵystaǵy sadaq federa­sııa­synyń prezıdenti Ajar Rahmetqyzy.

– Elimizdiń surmergenderi О́ske­mende bas qosqanyna qýa­nysh­tymyn. Bul da ulttyq dás­túrimizdiń jańǵyrǵany dep esep­teımin. Jalpy, úshinshi ret ót­kizilip jatqan chempıonattyń О́skemende uıymdastyrylýy – federasııa úshin úlken jetistik. Ekinshiden, Shyǵys jurtyna sadaq atý óneriniń damyp kele jatqa­­­nyn kórsetkimiz keldi. Osynaý ult­­­tyq qundylyǵymyzdy nasıhat­taı be­reıik, – deıdi «Oskemen sadaq atu» federasııasynyń prezı­­­den­ti A.Tóleýhanova.

Birneshe kúnge sozylǵan birin­shiliktiń qorytyndysy boıyn­­sha jalpykomandalyq esepte bi­rin­shi oryndy Túrkistan ob­ly­synyń sadaqshylary ıelen­­di. Júldeli ekinshi oryndy Batys­tan Shyǵysqa at shaldyr­ǵan mań­ǵystaýlyq sadaqshylar qan­jy­ǵaǵa basty. Úshinshi oryn Almaty oblysynyń komandasyna buıyrdy.

Sadaqshylar baq synasqan saıysqa qala ákimi Jaqsylyq Omar kelip, jyly lebizin bildirip, sadaqshylardy quttyqtady. Dás­túrli sadaqty damytýǵa qoldaý kórsetýge daıyn ekenin de aıtty. Osy oraıda aıta keterligi, sadaq sportyna eń qajeti keń ǵımarat qana. Sadaqty damytý­ǵa tusaý bolyp turǵan másele – osy. Ulttyq sportty dáriptep, jastardy jattyqtyryp júrgen Ajar Tóleýhanova osydan bes jyl buryn ǵana Glýbokoe aýdanynda sadaq atý úıirmesin ash­qan. Aınaldyrǵan az ýaqyt ishinde shákirtteri jaqsy nátıje kórsetip, jeńis tuǵyrlary­nan kórindi. Endi О́skemende úıirme ashylsa, taǵy da surmergender su­ryptalary sózsiz. Al Ajar­dyń ózi Astanada ótetin besinshi Dúnıejúzilik kóshpeliler oıynyna qatysyp, qazaqtyń namysyn qorǵaıdy.

О́SKEMEN