Tazalyqqa talap kúsheıdi

Ekologııalyq mádenıet, qor­shaǵan ortanyń tazalyǵy bú­ginde jastyń da, káriniń de bo­ıynda qalyptasyp keledi. Bu­ǵan kóktemnen beri júıeli júr­gizilip jatqan «Taza Qazaqstan» aksııasynyń da áseri zor boldy. Osy bastama bastalǵaly beri Aqjaıyq aýdanynda túrli is-sharaǵa 7 800 adam qatysypty. Sóıtip, aýdannyń eldi meken­derinde ótken senbilikterde 41 tehnıkanyń kúshimen 85 tonna qatty turmystyq qaldyq dalaǵa shyǵarylǵan. Jyl basynan beri óńirde 2 242 túp jaı terek, 4 700 túp jemis aǵashy egilipti.

– Bul jumys tek bıyl bastal­ǵan joq. 2021-2025 jyldar ara­lyǵynda oblys eldi mekenderin kógaldandyrý jáne jasyl aıma­ǵyn qurý josparyna saı byltyr da 20 138 kóshet egilgen edi, – deıdi Aqjaıyq aýdandyq turǵyn úı-kommýnaldyq sharýashylyǵy, avtomobıl joldary men jolaý­shy­lar kóligi bóliminiń basshysy Aıbek Zamerov.

Shynynda da, «Taza Qazaqstan» aksııasy jaı uran emes, onyń astarynda barsha azamattyń boıynda ekomádenıetti qalyptastyrý, turaqty tazalyqqa degen umtylys jatyr. Sondyqtan eldi mekenderde turmystyq qaldyqty jınaý, ýaqtyly shyǵarý máselesi júıege túsýi kerek. Aıbek Damırulynyń aıtýynsha, qazir okrýg ortalyq­tarynda qaldyq tógetin 18 jer belgilengen. Aýyldyq okrýg ákim­dikteriniń teńgerimine berilgen bul oryndardyń 11-i qorshaýǵa alynǵan.

Jaqynda ǵana Aqjaıyq aýda­nynyń ortalyǵynda qatty qal­dyqty tógetin 50 temir konteı­ner jáne plastıkalyq qaldyq jı­naıtyn 25 konteıner satyp aly­nypty. Bul toǵyz joldyń torabynda turǵan iri kenttiń tazalyǵyn saqtaýǵa barynsha yqpal eteri sózsiz. Buǵan deıin aýdan boıynsha turmystyq qaldyq tógetin 140 temir konteı­ner, plastıkalyq qaldyqqa arnalǵan 72 konteıner bolǵan eken. Osylaısha, aýdannyń qo­qys jınaıtyn konteıner qory birden 35-40 paıyzǵa jańaryp otyr.

– Biz buryn konteınerler­degi qoqysty osy sharýaǵa ońtaı­landyrylǵan tehnıkamen jı­naıtynbyz. Jýyrda aýdan orta­lyǵyna arnaıy qoqys tasıtyn kólik satyp aldyq. Bul qoqys jınaýshy mekeme qyz­met­kerleriniń jumysyn mehanıkalandyryp, qolyn uzartatyn boldy, – deıdi A.Zamerov.

Batys Qazaqstan oblysy