Qazaqstan Respýblıkasy Premer-mınıstriniń orynbasary – Syrtqy ister mınıstri Murat Nurtileýdiń Belarýs Respýblıkasynyń elshisi Pavel Ýtıýpınmen kezdesýi barysynda Qazaqstan-Belarýs ekijaqty deńgeıdegi, sondaı-aq kópjaqty uıymdar sheńberindegi yntymaqtastyqtyń ózekti máseleleri talqylandy, dep habarlaıdy Egemen.kz mınıstrliktiń baspasóz qyzmetine silteme jasap.
Mınıstr Qazaqstan BUU Jarǵysyna jáne halyqaralyq quqyqtyń negizin qalaýshy normalaryna sáıkes teńgerimdi jáne beıbitshil syrtqy saıasat júrgizip jatqanyn, sondaı-aq elimizdiń memleketter arasyndaǵy barlyq kelispeýshilikter saıası jáne dıplomatııalyq joldarmen sheshilýi tıis ekenine nyq senimdi ekenin atap ótti.Sonymen qatar qazirgi geosaıası jaǵdaıda Memleket basshysy júrgizip jatqan elimizdiń syrtqy saıası baǵyty óziniń tıimdiligin kórsetkeni de atap ótildi.Osyǵan baılanysty mınıstr Belarýs tarapyn qazirgi prosesterge qatysty Astananyń ustanymyn obektıvti baǵalaýǵa shaqyrdy.