Búgin, 27 tamyzda Premer-mınıstrdiń orynbasary Serik Jumanǵarınniń tóraǵalyǵymen Syrtqy saýda saıasaty jáne Halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń otyrysy ótti, dep jazady Egemen.kz.
Ishki naryqty munaı ónimderimen qamtamasyz etý maqsatynda Qazaqstan aýmaǵynan benzındi, dızel otynyn jáne munaı ónimderiniń jekelegen túrlerin avtomobıl kóligimen áketýge tyıym salý sheshimi uzartyldy.
Jıynda Qazaqstan aýmaǵyna alma ákelýge tyıym salý máselesi de qaraldy. Aýyl sharýashylyǵy mınıstrliginiń málimetinshe, bıyl 300 myń tonna alma jınalady dep boljanyp otyr.
Al 2024 jyly alma baqtary tolyq jemis berip, ónimdi 18%-ǵa arttyrý josparlanǵan. Bul kórsetkish ishki naryqty tolyq qamtı alady. Talqylaý qorytyndysy boıynsha jyl sońyna deıin Qazaqstan aýmaǵyna úshinshi elderden avtomobıl kóligimen alma ákelýge ýaqytsha tyıym salý týraly sheshim qabyldandy.
Sondaı-aq vedomstvoaralyq komıssııanyń otyrysynda birqatar taýarǵa eksporttyq kedendik baj salyǵyn engizý jónindegi usynystar qaraldy. Shıkizat taýarlaryn ishki qaıta óńdeýdi ulǵaıtý jáne otandyq kásiporyndardy bıýdjettiń kiris bóligin ulǵaıtatyn shıkizatpen qamtý maqsatynda Qarjy mınıstrligi belgili bir shıkizat taýarlaryna ESA belgileý jóninde usynys engizdi.