Balqan elimen baılanys bekı túsedi

Serbııanyń Syrtqy ister mı­nıstri Marko Djýrıchpen kez­desý barysynda eki el arasyndaǵy ­saıası dıalogtiń joǵary dınamıkasy men saýda-ekonomıka­lyq yntymaqtastyqty damytýdaǵy úl­ken áleýettiń mańyzy atalyp ótti. Elder arasyndaǵy ­qa­­rym-qatynastyń jaǵym­dy sı­­pa­tyn, Qazaqstan Prezıdenti ­Qasym-Jomart Toqaev pen Serbııa Pre­zı­denti Aleksandr Výchıch­tiń ózara senimdi jáne mazmundy dıa­login tilge tıek etken suh­battastar olardyń jańa kez­­de­­sýleri men ózara saparlar ja­saýy jaqyn bolashaqta ynty­maq­tastyqty odan ári jan-jaqty nyǵaıtýǵa yqpal etetinine senim bildirdi.

Úkimet delegasııalarynyń kez­desýi eki el arasyndaǵy saýda-ekonomıkalyq jáne mádenı-gýma­nıtarlyq baılanystardy odan ári keńeıtýge yqpal etetini áńgime arqaýyna aınaldy. Sonymen qatar BUU, EQYU jáne basqa da halyqaralyq uıym­dar aıasyndaǵy yntymaqtas­tyq pen ózara qoldaý máseleleri talqy­landy.

Serbııa Parlamentiniń vıse-spıkeri – Halyqaralyq má­se­le­ler jónindegi komıtet tór­aǵasy Marına Ragýshpen kezdesý barysynda qazaqstandyq dıplo­mat Prezıdent Q.Toqaevtyń 2 qyr­kúıektegi jyl saıynǵy Qazaqstan halqyna Joldaýynda belgilengen negizgi mindetter týraly habardar etti. Joldaýda Ádiletti Qazaq­standy qurý jo­lyndaǵy eko­nomıkany damytý úshin barynsha qolaıly jaǵdaılar jasaýǵa nazar aýdara otyryp, memleket damýynyń negizgi baǵyttary belgilengenin atap ótti.

M.Ragýsh Serbııa halqy Qa­­zaq­­stannyń damý barysyn mu­qııat baqylap, júzege asyry­lyp jatqan reformalardy jo­­ǵary baǵalaıtynyn jet­kizdi. Ol parlamenttik dıalog «halyqtyq dıplomatııa» retin­de qarastyrylatynyn, osy baǵyttaǵy yntymaqtastyq Qa­zaqstan men Serbııa arasyn­daǵy ekijaqty qatynastyń jaq­sy dástúrine aınalǵanyn da aıtty. Taraptar ózara is-qımyl­dyń qazirgi deńgeıine oń baǵa berip, parlamentaralyq, sondaı-aq is­ker­lik, mádenı jáne bilim salasyndaǵy ózara tájirıbe almasýdy údetý jónindegi josparlardy aıqyndady.

Sapar aıasynda R.Vasılenko Qazaqstan Premer-mınıstrdiń orynbasary Serik Jumanǵarın men Serbııa premer-mınıstri­niń orynbasary – Ishki ister mı­nıstri Ivısa Dachıchtiń tór­aǵalyǵy­men ótken saýda-eko­nomıka­lyq yn­tymaqtastyq jó­nindegi ­úki­metaralyq komıs­sııa­nyń 3-oty­ry­syna qatysty. ÚAK kún tár­tibin­de áskerı-tehnı­ka­lyq jáne qorǵa­nys sala­syndaǵy ózara is-qımyl, aýyl sharýa­shy­lyǵy, densaýlyq saq­taý, týrızm, mádenıet, sport, ǵylym jáne bi­lim berý salasyndaǵy ynty­­maq­tastyq máseleleri talqy­landy.

Memlekettik kiris­ter ko­mı­­tetiniń dereginshe, 2023 jyly Qazaqstan men Serbııa ara­syn­daǵy ekijaqty saýda kólemi 91,2 mln AQSh dollaryn qurady. Onyń ishinde ­eksport – 11,4 mln, ımport – 79,8 mln. Al bıylǵy alǵashqy jarty jylda taýar aınalymy 44,1 mln AQSh dollaryn qura­dy. Onyń ishinde otan­dyq eksport – 8 mln, Serbııadan kelgen ımport – 36 mln. Serbııadan eli­mizge sa­lynǵan tikeleı ınvestısııa 2008 jyldan beri ­17,4 mıllıon AQSh dol­laryn qurady. Onyń ishin­de tek byltyrǵy jyl­dyń ózin­de 2 mln dollar kóle­min­de ın­ves­tısııa quıylǵan. Bıylǵy 1 maý­­­symdaǵy derekke súıen­sek, eli­­­mizde birlesken men­shik nysa­ny bar 11 kompanııa jáne ser­bııa­lyq kapıtal­dyń qatysýy­men ­49 kompanııa tirkelgen.