Atyraýda mektepterdiń biriniń dárethanasyna kamera ornatylǵan. Biraq ony mektep dırektory ǵana baqylap otyrǵan, dep habarlaıdy Egemen.kz.
Atalǵan jaǵdaı Qyzylqoǵa aýdanyndaǵy orta mektepte bolǵan. Mektep dırektory aqparatty rastap, túsinikteme berdi. Beınekamera mekteptiń erler dárethanasyna ornatylǵany anyqtaldy.
- Mektep dárethanasynda birneshe ret materıaldyq shyǵyn keltirilip, usaq buzaqylyq oryn alýyna baılanysty qoljýǵyshtardy túsiretin beınekamera ornatý qajet boldy. Alaıda, oqýshylardyń quqyǵy buzylǵan joq. Kamerany ornatý týraly sheshim mektep ákimshiligi men qamqorshylyq keńesiniń basshysymen birlesip qabyldanǵan. Bul shara tek tártipti saqtaý jáne odan ári zań buzýshylyqtardyń aldyn alý úshin qabyldandy. Jazbalardy men ǵana kóre alamyn, dedi mektep dırektory Táttigúl Qalıeva.
Jaǵdaıǵa qatysty Atyraý oblystyq bilim basqarmasy da málimdeme jasady. Basqarma kameranyń alynatynyn jáne tekserý úshin komıssııa qurylǵanyn atap ótti.
- Qazir Atyraý oblysynyń bilim basqarmasy kamerany alyp tastaý týraly sheshim qabyldady. Basqarmada atalmysh faktini zertteıtin komıssııa quryldy. Nátıjesi qosymsha habarlanady, delingen Atyraý oblystyq bilim basqarmasynyń habarlamasynda.