Qazgıdromet mamandary Astana men taǵy úsh qala turǵyndaryna eskertý jasady, dep habarlaıdy Egemen.kz.
«Búgin, 9 qyrkúıekte Aqtóbe, túnde Atyraý, Qostanaı, Astana qalalarynda aýa shekten tys lastanady dep kútiledi», delingen habarlamada.
Sınoptıkter Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary boıynsha boljamyn usyndy.
«Atmosferalyq fronttardyń áserinen elimizdiń soltústiginde, ońtústik-shyǵysyndaǵy taýly aımaqtarda jańbyr jaýyp, naızaǵaı oınaıdy. Respýblıkanyń qalǵan bóliginde antısıklonnyń áserinen aýa raıy jaýyn-shashynsyz bolady. Qazaqstannyń ońtústiginde, ońtústik-shyǵysynda jel kúsheıedi, soltústikte, shyǵysta, ortalyqta túnde jáne tańerteń tuman kútiledi», dep habarlady «Qazgıdromet» RMK.