Qazaqstan Ulttyq Banki «Este qalatyn oqıǵalar men birtýar adamdar» serııasynan JOSHY ULYSY. 800 JYL kolleksııalyq monetalaryn aınalysqa shyǵarady, dep habarlaıdy Egemen.kz banktiń baspasóz qyzmetine silteme jasap.
Ulttyq banktiń baspasóz qyzmeti habarlaǵandaı, monetalardyń dızaınynda Joshy han eskertkishiniń beınesi paıdalanylǵan. Onyń avtory - Qazaqstannyń belgili músinshisi, monýmentalıst-sýretshi Ǵazız Eshkenov. Syrt jaǵynda Altyn Orda dáýirindegi monetalardan kollaj ornalasqan.
Monetalar:
– altyn jalatylǵan, kúmis synamasy – 925/1000, massasy 777,5 gramm, dıametri 100 mm, daıyndaý sapasy – «proof», nomınaly 5 000 teńgelik, taralymy – 100 (júz) dana;
– altyn jalatylǵan, kúmis synamasy – 925/1000, massasy 311 gramm, dıametri 75 mm, daıyndaý sapasy – «proof», nomınaly 2 000 teńgelik, taralymy – 300 (úsh júz) dana;
– altyn jalatylǵan, kúmis synamasy – 925/1000, massasy 31,1 gramm, dıametri 38,61 mm, daıyndaý sapasy – «proof», nomınaly 1 000 teńgelik, taralymy – 1 000 (bir myń) dana;
– MN 25 melhıor qospasynan jasalǵan, massasy 15 gramm, dıametri 33 mm, daıyndaý sapasy – «brilliant uncirculated», nomınaly 200 teńgelik, taralymy – 8 000 (segiz myń) dana.
«Kolleksııalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady», dep jazylǵan habarlamada.Qysqasha tarıhqa sholıtyn bolsaq, Joshy han – Shyńǵys hannyń úlken uly jáne Altyn Orda atanǵan Joshy ulysynyń negizin qalaýshy. Ulytaý oblysynda mańyzdy tarıhı eskertkish – Qazaqstannyń mádenı murasynyń bir bóligi sanalatyn Joshy han kesenesi ornalasqan.