26 shilde men 11 tamyz aralyǵynda Parıjde ótken jazǵy olımpıadada shynaıy emosııaǵy toly oqıǵalar kóp boldy. Sonyń biri ózbekstandyq assıstent bapker Akmal Hasanovtyń jeteleýimen qyrǵyz boksshysy Mýnarbek Seıtbektiń fınalǵa shyǵýy, dep jazady Egemen.kz.
Qyrǵyzstan elininen bokstan 57 kelide Mýnarbek Seıtbek qana Parıj sharshy alańynda judyryqtasý múmkindigin jeńip alǵan edi. Qyrǵyz tarapy boksshyny jeke bapkerinsiz, bas bapkermen ǵana tórt jyldyqtyń basty básekesine attandyrǵan bolatyn.
Sondyqtan alǵashqy jekpe-jekterinde Mýnarbek Seıtbektiń sekýndanty qyzmetin ózbek bapkeri Akmal Hasanov atqardy.
Qyrǵyz boksshysy 1/8 fınalda kýbalyq Saıtel Hortany qapy qaldyrsa, keıingi kezdesýinde AQSh bylǵary qolǵap sheberi Jamal Harvıden aılasyn asyrdy. Al jartylaı fınalda bolgarııa úmiti Haver Ibanes Dıazdan basym túsip fınalǵa jetti. Osy básekelerde oǵan ózbek bapkeri aqyl-keńesin aıamady.
Sondyqtan Akmal Hasanovtyń eńbegin Qyrǵyzstan Prezıdenti baǵalap, sý jańa kólik syılady.
Marappattaý rásiminde Sadyr Japarov Orta Azııa halyqtarynyń birligin álemge áıgilegen ózbek bapkerine alǵys aıtty.
Buǵan deıin qyrǵyz tarapy Akmal Hasanovty «Shyńǵys Aıtmatov» atyndaǵy tósbelgimen marapattaǵan edi.
Aıta keteıik, Mýnarbek Seıtbek altyn úshin aıqasta ózbek boksshysy Abdýmalık Halokovqa ese jiberip, kúmis medalǵa qol jetkizdi.