«Uly dala dúbiri» 5-shi Dúnıejúzilik kóshpeliler oıyndary aıasynda elordadaǵy Belsendi uzaq ómir súrý ortalyǵynyń ónerpaz zeınetkerleri etnoaýylda konserttik baǵdarlama usyndy, dep habarlaıdy Egemen.kz Astana ákimdiginiń baspasóz qyzmetine silteme jasap.
Saryarqa aýdany Belsendi uzaq ómir súrý ortalyǵynyń basshysy Kenjebolat Bapıshevtiń aıtýynsha, búgingi merekelik is-sharaǵa aýdanan 100 zeınetker qatysyp jatyr.
Kóshpeliler oıynydarynyń qonaqtary men kórermenderine arnalǵan konsertte zeınetkerlerden quralǵan «Asyl mura» dombyrashylar ansambli óner kórsetti. Sondaı-aq sánqoı ájelerden quralǵan «Kerbez_models» toby, halyqaralyq jáne respýblıkalyq baıqaýlardyń jeńimpazdary «Qyzdar-aı» horeografııalyq ansambli men «Kel, shyrqaıyq!» telejobasynyń bas júldegerleri «Ádemi» vokaldyq ansambli de kórermen yqylasyna bólendi.
Sonymen qatar konserttik is-sharada 50-ge jýyq sportshy ata-ájeler «Aıkúne» qazaq gımnastıkasyn kórermen nazaryna usyndy. Qoıylymǵa qazaq gımnastıkasynyń avtory, dástúrli túrik medısınasynyń sheberi, ustaz Abaı Baımaǵambetov ózi jetekshilik etti.
Odan bólek, etnoaýylda qolónershi ájeler kórmege óz qolymen jasaǵan buıymdardy usyndy. Al erikti zeınetkerler kóshpendiler oıyndary kezinde qoǵamdyq jumystarǵa atsalysyp jatyr.