Sý tasqyny kezeńine daıyndyq jónindegi Prezıdent tapsyrmalaryn iske asyrý sheńberinde Úkimet rezervinen batımetrııalyq zertteýler júrgizýge shamamen 576 mln teńge bólindi. Tıisti qaýlyǵa QR Premer-mınıstri Oljas Bektenov qol qoıdy, dep habarlaıdy Egemen.kz.
Aıta keteıik, bólingen qarajat Sý resýrstary jáne ırrıgasııa mınıstrligine arnalǵan. Qarjylandyrýdyń negizgi bóligi jabdyqtar men tehnıkalyq jaraqtardy satyp alýǵa, sondaı-aq zertteýler júrgizý jónindegi qyzmetterge baǵyttalǵan.
Jalpy, bólingen qarajatty «Qazsýshar» ShJQ RMK «Sý metrologııa» fılıalyna tikeleı elimizdiń soltústik, batys jáne ortalyq óńirleriniń sý tasqyny qaýpi bar ýchaskelerine batımetrııalyq túsirilim júrgizýge baǵyttaý josparlanǵan.
«Respýblıkalyq mańyzy bar sý qoımalaryna batımetrııalyq zertteý júrgizýdi qosa alǵanda, jumystar 2025 jyly jalǵasady. Alynǵan derekter QR Sıfrlyq damý, ınnovasııalar jáne aeroǵarysh ónerkásibi mınıstrligi men «Qazaqstan Ǵarysh Sapary» UK» AQ-ǵa sý tasqynyn boljaý jáne modeldeý aqparattyq júıesine engizý úshin beriledi», dep habarlady Úkimettiń baspasóz qyzmeti.