Qorǵanys mınıstrliginde paıda bolǵan jańa fýnksııalar áskerı qyzmetke, memlekettik qupııalarǵa, oqý jeńildikterine jáne órt qaýipsizdigine qatysty, dep habarlaıdy Egemen.kz.
Vedomstvonyń jańa fýnksııalary Úkimettiń kúshine engen qaýlysynda kórsetilgen.
QR Qorǵanys mınıstrliginde paıda bolǵan jańa fýnksııalarǵa mynalar jatady:
Mınıstrlikte jáne Qarýly Kúshterde jeke jáne qyzmet babynda paıdalanylatyn tehnıkalyq quraldardy (uıaly baılanys abonenttik qurylǵylaryn jáne mobıldi qurylǵylardy) alyp kirý, alyp shyǵý jáne paıdalaný qaǵıdalaryn bekitedi; Uly Otan soǵysynyń ardagerlerine kýálikter berý qaǵıdalaryn bekitedi; Qorǵanys ónerkásibi jáne memlekettik qorǵanystyq tapsyrys salasyndaǵy ýákiletti organmen kelisý boıynsha memlekettik qorǵanystyq tapsyrys sheńberinde satyp alynatyn, "Qorǵanys ónerkásibi jáne memlekettik qorǵanystyq tapsyrys týraly" Qazaqstan Respýblıkasy Zańynyń 19-baby 2-tarmaǵynyń 1-1), 2), 3), 7) jáne 12) tarmaqshalarynda kózdelgen áskerı maqsattaǵy taýarlar (ónimder), qosarlanǵan maqsattaǵy (qoldanystaǵy) taýarlar (ónimder), áskerı maqsattaǵy jumystar men áskerı maqsattaǵy kórsetiletin qyzmetter tizbesin bekitedi; Memlekettik qupııalardy qorǵaý jónindegi ýákiletti organmen kelisý boıynsha qorǵanys muqtajyn jáne memlekettiń qaýipsizdigin qamtamasyz etý maqsatynda radıoelektrondyq quraldar úshin jıilik beldeýlerin, radıojıilikterdi (radıojıilik arnalaryn) berý qaǵıdalaryn bekitedi; Qazaqstan Respýblıkasyndaǵy memlekettik qupııalardy qorǵaý jónindegi ýákiletti organmen kelisý boıynsha Qazaqstan Respýblıkasynyń Qarýly Kúshterinde memlekettik qupııalardy quraıtyn málimetterdi qorǵaýdyń krıptografııalyq quraldaryn jobalaýdy, engizýdi, súıemeldeýdi jáne shyǵarýdy uıymdastyrý jónindegi qaǵıdalardy bekitedi; Qarýly Kúshterdi gıdrometeorologııalyq qamtamasyz etý qaǵıdalaryn bekitedi; Qarýly Kúshterde áýe shabýylyna qarsy qorǵanys bólimshelerin ornalastyrý jónindegi nusqaýlyqty bekitedi; Qarýly Kúshterdegi qyzmetterdiń jumysyn uıymdastyrý jónindegi nusqaýlyqty bekitedi; Qarjy naryǵyn jáne qarjy uıymdaryn retteý, baqylaý jáne qadaǵalaý jónindegi ýákiletti organ bekitetin merzimdi áskerı qyzmetke shaqyrylǵan áskerı qyzmetshiler, sondaı-aq olardy qyzmetten shyǵarý, olarda banktik qaryzdyń, mıkrokredıttiń bolýy ne bolmaýy, banktik qaryz sharty, mıkrokredıt berý týraly shart boıynsha tólemdi keıinge qaldyrýdyń usynylýy týraly málimetterdi almasý qaǵıdalaryn kelisedi; Qarýly Kúshterdiń áskerı-qoldanbaly sport túrleri boıynsha qaǵıdalardy bekitedi; Qarýly Kúshterdiń áskerı bólimderinde, mekemeleri men uıymdarynda mórler, mórtańbalar jasaý, saqtaý jáne olardy paıdalaný jónindegi nusqaýlyqty bekitedi; Qarýly Kúshterde parashıýtsiz desant túsirý jónindegi nusqaýlyqty bekitedi; Qarýly Kúshterdegi taýdaǵy daıarlyq jónindegi nusqaýlyqty bekitedi; Biryńǵaı memlekettik til saıasatyn iske asyrýǵa qatysady; Qarýly Kúshterdegi áskerı bólimder men mekemelerdiń qyzmettik isine vedomstvoishilik tekserý jáne baǵalaý júrgizý jónindegi nusqaýlyqty bekitedi; Qarýly Kúshterdiń ortalyq, óńirlik flottyq jáne áskerı qoımalarynda áskerı múlikti saqtaýdy uıymdastyrý jáne qamtamasyz etý jónindegi nusqaýlyqty bekitedi; Qorǵanys mınıstrligine júktelgen mindetter men fýnksııalardy oryndaýǵa qajetti memorandýmdar jasasady; Joǵary áskerı, arnaýly oqý oryndaryna túsýge bilim berý jeńildikterin alý úshin merzimdi qyzmettegi áskerı qyzmetshilerdi konkýrstyq irikteý qaǵıdalaryn bekitedi; Qazaqstan Respýblıkasynyń zańnamasynda belgilengen kvotalar sheginde ǵylym jáne joǵary bilim salasyndaǵy ýákiletti organmen kelisý boıynsha medısınalyq, farmasevtıkalyq jáne pedagogıkalyq bilimniń bilim berý baǵdarlamalaryn qospaǵanda, joǵary bilimniń bilim berý baǵdarlamalary boıynsha joǵary jáne (nemese) joǵary oqý ornynan keıingi bilim berý uıymdaryna túsýge bilim berý jeńildikterin alý úshin merzimdi qyzmettegi áskerı qyzmetshilerdi konkýrstyq irikteý qaǵıdalaryn bekitedi. Mınıstrlik, qurylymdyq bólimsheler laýazymdy adamdarynyń, Qarýly Kúshter túrleri bas qolbasshylarynyń, Arnaýly operasııalar kúshteri qolbasshysynyń, ásker tekteri men óńirlik qolbasshylyqtar áskerleri qolbasshylarynyń mindetteri men ókilettikterin aıqyndaıdy;