Jahandyq belgisizdik jáne udaıy ózgerister jaǵdaıynda daǵdarystyq basqarý zamanaýı kóshbasshylar úshin mańyzdy daǵdyǵa aınalyp keledi. Zertteý dereginshe, daǵdarystarǵa daıyndalǵan kóshbasshysy bar kompanııalar ekonomıkanyń quldyraýy nemese pandemııa sııaqty daǵdarystarǵa ózgelerge qaraǵanda 2,5 ese turaqtylyq tanytyp, sátti qalpyna kele bilgen, dep jazady Egemen.kz.
Daǵdarys tóngende basshylardyń qalaı durys qımyldar jasaý kerektigi týraly Medısınalyq tehnologııalar jáne aqparattyq júıeler ortalyǵynyń sarapshysy ári prezıdenti Ashat Áshimov áńgimelep berdi. Bul ortalyq 12 jyldan astam ýaqyttan beri PIB júıesiniń qyzmetkerlerin jańa daǵdylarǵa, onyń ishinde kóshbasshylyqqa jáne kommýnıkasııalarǵa oqytady.
Kóshbasshylar daǵdarystardy qalaı eńseredi?
Sheshimdi jedel qabyldaý
Daǵdarys jaǵdaıynda uzaq oılanýǵa ýaqyt joq. Qolda bar aqparatqa súıene otyryp, jyldam sheshim qabyldaýǵa qabiletti kóshbasshylar jaqsy nátıjeler kórsetedi. Bul rette sheshimniń jyldamdyǵy men sapasyn teńgere bilý asa mańyzdy.
Sondaı-aq, óz áreketińe senimdi bolý kerek. Gallup zertteýinshe, daǵdarys kezinde ashyqtyq pen senimdilik tanyta bilgen kóshbasshylar qyzmetkerlerdiń alańdaýshylyǵyn 50%-ǵa deıin tómendete alady, al bul komandanyń yntasy men tıimdiligine tikeleı yqpal etedi.
Beıimdelýshilik jáne ıkemdilik
Kóshbasshynyń jańa jaǵdaıdaǵy strategııaǵa jyldam beıimdelýi – sáttiliktiń basty faktorlarynyń biri. Daǵdarys jaǵdaıynda ádettegi ádis-tásilderge arqa súıeýge bolmaıdy, sondyqtan ózgeristerge daıyn bolý mańyzdy daǵdyǵa aınalady.
Tıimdi kommýnıkasııa
Daǵdarys ýaqytynda komandadaǵy qarym-qatynasta adaldyq tanytý mańyzdy. Bul jaǵdaı tym qıyn bola bastaǵan kezeńde de senimdi saqtap, qyzmetkerlerdi yntalandyrýǵa kómektesedi.
Deloitte málimetinshe, qyzmetkerlerdiń 78%-y kóshbasshylardyń daǵdarys kezindegi ýaqytyly ári sapaly kommýnıkasııasy kompanııa ishindegi senim men senimdilikti arttyrýǵa kómektesetinin málimdegen.
Medısınalyq tehnologııalar jáne aqparattyq júıeler ortalyǵynyń treneri daǵdarysty sátti basqarý keshendi tásildi talap etetinin aıtady.
«Daǵdarys ýaqytyndaǵy kóshbasshynyń eń mańyzdy mindeti – problemalarǵa qatysty jyldam áreket etý ǵana emes, sonymen qatar komandanyń emosıonaldy turaqtylyǵyn saqtaý bolyp tabylady», – deıdi sarapshy.
Daǵdarysqa qarsy basqarý jobasy: Ol ne úshin qajet?
Sarapshynyń aıtýynsha, uıymdarǵa daǵdarysty eńserýge kómektesetin negizgi quraldardyń biri – daǵdarysqa qarsy basqarý jospary bolyp tabylady. Mundaı jospardyń bolmaýy aýyr saldarlarǵa, tipti abyroıdyń joǵalýy men qyzmetkerlerdiń ishki rýhynyń álsireýine jáne bıznes nátıjeleriniń nasharlaýyna ákelýi múmkin.
PwC málimetinshe, daǵdarystyq kóshbasshylyq baǵdarlamasy jaqsy ázirlengen kompanııalar ekonomıkalyq daǵdarys kezinde mundaı baǵdarlamasy álsiz bolǵan ne tipti bolmaǵan kompanııalarǵa qaraǵanda 20%-ǵa kem shyǵynǵa batqan.
Ázirlengen jáne engizilgen daǵdarystyq menedjment jospary kelesilerge múmkindik beredi:
Klıentter jáne kásibı qoǵamdastyq arasynda abyroıdy saqtaý; Kompanııa qyzmetkerleriniń ishki rýhyn kúsheıtip, senimdilik uıalatý; Rólder men áreketterdiń anyq bolýynyń arqasynda daǵdarys ýaqytynda jáne odan keıin jumystyń nátıjeliligin arttyrý.Jospar birneshe kezeńdi qamtýy kerek:
Daǵdarystyq jaǵdaılardy sanattarǵa bólý. Kompanııaǵa tán daǵdarystardyń túrlerin jáne olardyń áleýetti yqpalyn anyqtaý. Daǵdarystyń árbir tıpi úshin áreketterdi ázirleý. Árbir daǵdarystyq jaǵdaıdy eńserýge qajet qadamdardy tolyqqandy sıpattap shyǵý. Negizgi qyzmetkerlerdi taǵaıyndaý. Daǵdarys jaǵdaıynda jospardy júzege asyrýǵa jaýapty adamdardy anyqtaý. Komandany aqparattandyrý. Daǵdarystyq menedjmentke qatysatyn qyzmetkerlerdi oqytý jáne aqparattandyrýQazirgi zamanaýı álemde daǵdarystyq basqarý kóshbasshylyqtyń ajyramas bóligine aınalyp keledi. Tez beıimdelý qabileti, komandamen tıimdi kommýnıkasııa quryp, ony qoldaý – kóshbasshyny eń qıyn jaǵdaılarda da tyǵyryqtan alyp shyǵatyn mańyzdy qasıetter. Daǵdarysqa daıyndyq jáne bul daǵdylardy únemi jetildirý arqyly kóshbasshylar qıyndyqtardy jeńip qana qoımaı, kompanııanyń odan ári qaraı ósýi men damýyna jol ashady.