Aqtóbe oblysynda shahtada jumysshy opyrylǵan ken astynda qalyp, qaza tapty, dep habarlaıdy Egemen.kz.
32 jastaǵy marqumnyń denesin kenishten áriptesteri shyǵaryp alǵan. Qazir oqıǵa ornynda eńbek ınspektorlary tergeý júrgizip jatyr.
Qaıǵyly oqıǵa Hromtaý aýdanynda ornalasqan «Aqtóbe mys» kompanııasynyń ken ornynda bolǵan. Úgitý apparatyn basqaratyn jumysshy túngi aýsymǵa shyqqan. Aldyn ala málimet boıynsha, jumysshy kenniń joǵarydan opyrylyp túskenin ańǵaryp úlgermegen degen boljam bar. Jumysshy oqıǵa ornynda qaza tapty.
Jumys berýshi marqumnyń otbasyna materıaldyq kómek kórsetiletinin atap ótti.
«Shahtada ken opyrylǵan. Jazataıym oqıǵa dep aıtýǵa bolady. Tergep-tekserý 20 qazanda aıaqtalady», dedi Aqtóbe oblysy eńbek ınspeksııasy basqarmasynyń memlekettik ınspektory Ashat Jumaly.
Eske salsaq, buǵan deıin Abaı oblysynda shahtadaǵy tótenshe jaǵdaıdan kenshi qaza tapqan.