«Aqqumnyń Aqkerbezine» qurmet

О́ner baıqaýyn ánshiniń týǵan jeri – Shyńǵyrlaý aýdany ákimdigi Batys Qazaq­stan oblystyq mádenıet, tilderdi damytý jáne arhıv basqarma­synyń qoldaýymen uıymdastyrdy. Saıysqa Mańǵystaý oblysy, Astana, Qyzyl­orda, Aqtóbe qalalary men Batys Qazaqstan oblysynyń aýdandarynan kel­gen 13 pen 16 jas aralyǵyndaǵy 18 óner­paz qatysty.

Qazaqstan Respýblıkasynyń eńbek sińirgen mádenıet qyzmetkeri, ánshi ári aıtysker aqyn Qatımolla Berdiǵalıev bastaǵan qazylar alqa­synyń saraptaýynan keıin baıqaýdyń fınaldyq kezeńine 10 ánshi ótti.

Tartysty ótken baıqaýda bas júldeni Qaztalov aýdanynyń Aqpáter aýylynan kelgen Aıajan Elemes jeńip aldy. Birinshi oryn shyńǵyrlaýlyq Sulýjan Jádigerge buıyrdy. Ekin­shi oryn júldesin astanalyq Tol­ǵanaı Esilbaı men aqtóbelik Islam Qurmanǵazy ıelense, úshinshi oryndy Mańǵystaý oblysynan kelgen Araılym Aısa, oraldyq Álıhan Da­ǵarov jáne Báıterek aýdanynyń ónerpazy Aqkenje Qonysbaı bólisti. Al oraldyq Álıjan Nurǵalı men Nur­dana Zınat, astanalyq Aqbota Er­lanqyzy dıplomant atandy.

Buǵan qosa qaztalovtyq Álına Sultan men Sánim Turarbek, qy­zyl­orda­lyq Aıarý Qoıshybaı men Aq­er­ke Jubatqanova, mańǵystaýlyq Jan­­sulý Álı, qaratóbelik Arman Luq­pan, shyńǵyrlaýlyq Arý Bıse­kenova yn­ta­landyrý syılyǵymen marapattaldy.

О́mirden erte ketken Qalampyr Rahımovanyń sińlisi Jańyl apaıǵa Batys Qazaqstan oblysy ákiminiń oryn­basary Qalııar Aıtmuhambetov eldiń yqylasyn kórsetip, gúl syılap, ıyǵyna qamzol japty.

Aıta keteıik, Qalampyr Rahımova Shyńǵyrlaý aýdanynyń Almaz aýylyn­da 1949 jyly dúnıege kelgen edi. Mektep bitirip, týǵan aýy­lynda klýb meń­gerýshisi bolyp júr­gen ónerli qyzdy áıgili ánshi, Qazaq­stannyń halyq ártisi Ǵarıfolla Qurmanǵalıev kórip, Almatyǵa oqýǵa shaqyrǵan. Osylaısha, ol Almaty estrada-sırk óneri stýdııasynda Ǵ.Qurmanǵalıevten tálim alyp, úlken sahnaǵa shyqty. 1969 jyldan «Gúl­der» ansambliniń ánshisi boldy. «Aq­qumnyń Aqkerbezi» atandy. Qaırat Baıbosynov, Qapash Qulysheva, Roza Rymbaeva, Sembek Jumaǵalıev syndy óner tarlandarymen birge elge tanylyp, 1988 jyly Qazaq KSR-iniń eńbek sińirgen ártisi atandy. Ánshi gastroldik saparmen sheteldi de, Qazaqstannyń túkpir-túkpirin de jıi aralaıtyn. Sondaı sapardyń birinde Qalam­pyr Rahımova 1988 jyly jol apatyna ushyrap, nebári 39 jasynda kóz jumdy.

Batys Qazaqstan oblysy