Astanada «WALS-2024» Dúnıejúzilik sabaqty zertteý qaýymdastyǵynyń konferensııasy ótti. TMD elderinde alǵash ret uıymdastyrylǵan mundaı jahandyq jıynǵa 27 memleketten 700-ge jýyq pedagog qatysty. Oqytý sapasyn jaqsartýǵa baǵyttalǵan zertteýlerdi ortaǵa salyp, talqylaý – keleli keńestiń basty maqsaty.
«Sabaqty zertteý» degen sóz tirkesi jańa ǵasyrdyń alǵashqy shıreginde bilim úrdisine dendep kire bastady. Zamanaýı daǵdylardy únemi jetildirip otyrý ustazdarǵa qashanda mańyzdy. Bul tásil arqyly oqytýshylar kásibı biliktiligin turaqty túrde shyńdap, ózara birlesedi, pedagogıkalyq ıdeıalardy bólisýge yńǵaıly orta qurady. Sol sebepti Astanada ótken konferensııa «Sabaqty zertteý: úzdik oqý men oqytýǵa umtylý» taqyrybynda ótti. Negizgi spıkerler qatarynda álemdik deńgeıdegi bilim berýdiń eń bedeldi sarapshylary bar. Atap aıtsaq, Norvegııadan Oısteın Krıstıansen, Lıtvadan Darıýs Radkevıchıýs, Ulybrıtanııadan Sara Seleznev, Japonııadan Shırlı Tan, Germanııadan Klara Kager syndy mamandar pikirlerin ortaǵa salyp, tájirıbelerin bólisti.
Jıynnyń ashylýyna Premer-mınıstrdiń orynbasary Tamara Dúısenova qatysyp, Úkimet basshysy Oljas Bektenovtiń konferensııa qatysýshylaryna joldaǵan quttyqtaýyn jetkizdi.
Budan keıin sóz alǵan «WALS» prezıdenti Ketrın Lıýıs konferensııa mańyzyna toqtaldy.
«Men NIS Pedagogıkalyq sheberlik ortalyǵyna, Oqý-aǵartý mınıstrligine konferensııany uıymdastyrýdaǵy jumysy álemniń kóptegen elinen pedagogterdiń qatysýyn qamtamasyz etkeni úshin alǵysymdy bildiremin. Bul – bilim salasyndaǵy ınnovasııalyq ıdeıalardy memlekettik deńgeıde qoldaýdyń jarqyn úlgisi der edim. «Lesson Study» – óte qarapaıym ıdeıa. Shákirtterińizdiń qalaı bilim alyp jatqanyn baqylap, ár sabaqqa muqııat daıyndalýyn zertteýden artyq ne bar? Bul – óte qarapaıym bolyp kóringenmen, júıeli zertteýdi talap etetin tásil», dedi K.Lıýs.
2015 jyly Nazarbaev zııatkerlik mektepteri Dúnıejúzilik Sabaqty zertteý qaýymdastyǵynyń (WALS) sarapshylyq keńesine múshe bolyp, resmı túrde moıyndalǵan. Osylaısha, elimiz halyqaralyq deńgeıdegi ǵalymdarmen birge álemdik zertteýlerge qatysyp, «Lesson Study» ádisi boıynsha jetken jetistikterdi tanystyrýǵa múmkindik alǵan.
«Biz Dúnıejúzilik Sabaqty zertteý qaýymdastyǵynyń XVI Halyqaralyq konferensııasyn ótkizý múmkindigine ıe bolǵanymyzdy maqtan tutamyz. Qabyldaýshy tarap – «Nazarbaev zııatkerlik mektepteri» derbes bilim berý uıymynyń Pedagogıkalyq sheberlik ortalyǵy. Bul ortalyq muǵalimderdiń biliktiligin arttyrý kýrstaryn uıymdastyrýmen ári ótkizýmen aınalysyp, sonyń aıasynda 2012 jyldan beri oqý oshaqtarynda Sabaqty zertteý (Lesson Study) tásilin engizip keledi. Pedagogıkalyq sheberlik ortalyǵy – osy tásildiń jarshysy. 2015 jyldan beri halyqaralyq «WALS» konferensııalaryna qatysýdyń arqasynda elimizdegi muǵalimder qysqa ýaqyt ishinde álemdik qaýymdastyqtyń mańyzdy bólshegine aınaldy. Bul konferensııa «Sabaqty zertteý: úzdik oqý men oqytýǵa umtylys» taqyryby arqyly osy tásildi qoldanatyndardy biriktiredi. Biz oqytý men oqýdy jaqsartý jónindegi zertteýlerdi, sondaı-aq sabaqty zertteý salasyndaǵy tájirıbelerdi bólisý úshin osy konferensııaǵa 27 elden kelgen 664 delegat pen oqytýshylardy qýana qarsy aldyq. Tórt negizgi spıker, 12 sımpozıým, 13 sheber sabaq, 286 baıandama, 77 poster tanystyrylymy muǵalimderge tájirıbe almasýǵa jáne álemniń ár túkpirinen kelgen áriptestermen baılanys ornatýǵa úlken múmkindik beredi», dedi Pedagogıkalyq sheberlik ortalyǵynyń dırektory Janbota Qabdykárimova.
Elimiz jahandyq «WALS» estafetasyn 2023 jyldyń qarashasynda Nıderlandta qabyldaǵan edi. «World Association of Lesson Studies» prezıdenti Ketrın Lıýıs pen «Nazarbaev zııatkerlik mektepteri» Pedagogıkalyq sheberlik ortalyǵynyń dırektory Janbota Qabdykárimova «WALS 2024» halyqaralyq konferensııasyn Qazaqstanda ótkizý týraly kelisimshartqa qol qoıdy. Halyqaralyq forým buǵan deıin Sıngapýr, Ulybrıtanııa, Japonııa, Qytaı syndy elderde uıymdastyryldy.
Japonııadaǵy Nara Bilim berý ýnıversıtetiniń professory Takashı Nakaıdiń aıtýynsha, muǵalimge eń mańyzdysy – bilim berý emes, oqýshynyń qyzyǵýshylyǵyn oıatý.
«Jańadan kelgen pedagogter bastysy oqytý, úıretý dep oılaıdy, bul – úlken qatelik. Sebebi muǵalimniń oqytýy men oqýshynyń bilim alýy arasynda birshama aıyrmashylyq bar. Biz 2-den 7 jylǵa deıin tájirıbesi bar jas muǵalimderden saýalnama aldyq. Olar tájirıbe jınaı kele, «Men neni isteýim kerek?» degen suraqtan «Oqýshy neni jasaǵysy keledi?» degen maqsatqa kóshetinin anyq ańǵardyq», deıdi ol.
Osy forýmda «WALS» tarıhyndaǵy rekordtyq kórsetkish ornatyldy. Iаǵnı zertteýler sany 850-ge jetti. Onyń 86 paıyzyn elimizdiń muǵalimderi daıyndaǵan.
«Bul konferensııa – bilim salasyndaǵy jańa baǵyttar men zamanaýı tásilderdi talqylaýǵa arnalǵan biregeı alań. Osy jıynǵa elimizden 500-ge jýyq pedagog qatysyp otyr. Olardyń arasynda 300 muǵalim óz zertteý jumysyn tanystyrdy. Álemdik deńgeıdegi sarapshylar da oı almasyp, jańasha oqytý júıesin usyndy. «Sabaqty zertteý» tásili – pedagogterdiń birigip, sabaqty josparlaý, júrgizý jáne taldaý arqyly oqytý sapasyn jaqsartýdy maqsat etetin kásibı damý ádistemesi. Bul ádis qazir álemniń kóptegen elinde qoldanysqa enip, tıimdiligin dáleldedi. On jyldan beri Nazarbaev zııatkerlik mektepteri «Sabaqty zertteý» tásilin elimizdegi jalpy bilim beretin mektepterge engizýmen aınalysyp keledi», dedi NIS DBBU basqarma tóraǵasy Ánýar Janǵozın.
Jıyn barysynda dástúrli sessııalardan bólek, muǵalimder tálimger saǵaty, shyǵarmashylyq zerthana, avtograf sessııasy, suraq-jaýap formatyndaǵy ınteraktıvti is-sharalarǵa qatysty.
«Bul konferensııanyń ustazdar úshin mańyzy óte joǵary. Sebebi munda sabaqty qyzyqty uıymdastyryp, tıimdi taldaý jaıy jan-jaqty qarastyrylady. Oqytýdaǵy eń negizgi másele – zertteýde. Kez kelgen ustaz bilim berip qana qoımaı, shákirtiniń taqyrypty tolyq túsingenine kóz jetkizýge tıis. Ol úshin ustaz ár sabaqty zerttep, taldaý kerek. О́zim japondardyń ótkizgen sımpozıýmyna qatystym. Elimizdiń bilim salasyn jaqsartýǵa baılanysty sapaly ádisteme men tehnologııalar kelgenine kózim jetti», dedi Turaqty bilim berýdi damytý qory Qamqorshylyq keńesiniń tóraǵasy Kúlásh Shámshıdınova.
Premer-mınıstrdiń orynbasary Tamara Dúısenovanyń aıtýynsha, «Sabaqty zertteý» tásiliniń aýqymyn keńeıtý – bilim sapasyn júıeli arttyrýdyń negizgi sharty bolmaq. Atalǵan ádis qazir eldegi muǵalimderdiń biliktiligin arttyrýǵa baǵyttalǵan oqý baǵdarlamasyna jeke bólim retinde engizilgen. Nazarbaev zııatkerlik mektepteriniń pedagogıkalyq sheberlik ortalyǵy búginde «Sabaqty zertteý» ıdeıalaryn ilgeriletý jóninde kórshi memleketterdiń pedagogteri arasynda úlken jumysty bastady.