Áleýmettik jelide Kókshetaýdaǵy dúńgirshektiń birinde tyshqandardyń samsa jep júrgeni beınelengen vıdeo tarady, dep habarlaıdy Egemen.kz «Astana» telearnasyna silteme jasap.
Kadrdan tyshqannyń samsany aralap, emin-erkin júgirip júrgenin kórýge bolady. Qalanyń avtovokzal aýdanynda ornalasqan dúńgirshekten endi adamdar tamaq almaımyz dep shýlap jatyr.
«Tekserý kezinde dúńgirshek jumys istemedi. Nysan basshysynyń aıtýynsha, onyń qyzmeti 26 qyrkúıekten bastap toqtatylyp, jaqyn arada dúńgirshekti bólshekteý josparlanǵan. Budan basqa, obektiniń basshysymen halyqtyń densaýlyǵyn saqtaý salasyndaǵy normatıvtik-quqyqtyq aktilerde kózdelgen sanıtarııalyq-epıdemıologııalyq normalar men talaptardy saqtaý máseleleri boıynsha túsindirý jumystary júrgizildi», dep málimdedi Aqmola oblysynyń sanıtarııalyq-epıdemıologııalyq baqylaý departamenti.