Elordadaǵy jármeńkege Abaı jáne Qyzylorda oblystarynyń agrarshylary ónimderin alyp keldi, dep habarlaıdy Egemen.kz.
Jergilikti ákimdik málimetinshe, bas qalada óńirlerden kelgen taýar óndirýshilerdiń qatysýymen aýyl sharýashylyǵy jármeńkeleriniń maýsymy ótip jatyr. 28-29 qyrkúıekte óz ónimderin Abaı ári Qyzylorda oblystarynyń agrarshylary usynady.
Qos óńirdiń aýyl sharýashylyǵy taýaryn óndirýshiler Astanaǵa et, sút ónimderi, jemis-jıdek, kókónis, bal men basqa da taýarlardy qosa alǵanda 830 tonnadan astam ónim ákeldi.
- Elorda turǵyndary jáne qonaqtaryna Qyzylorda oblysy ártisteriniń qatysýymen konserttik baǵdarlama usynylady. Kelesi jármeńkede Pavlodar, Batys Qazaqstan, Almaty oblystary óz ónimderin jetkizedi, – dedi qalalyq Investısııalar jáne kásipkerlikti damytý basqarmasynyń azyq-túlik qaýipsizdigi bóliminiń bas mamany Nurdáýlet Qosman.
Jármeńkedegi assortıment alýan túrli. Aýyl sharýashylyǵy taýarlaryn óndirýshilerdiń sórelerinde et, kúrish, balyq, kókónis, jemis, ósimdik maıy, sút ónimderi, bal, qymyz, shujyq ónimderi, baqsha daqyldary, as tuzy, sondaı-aq sút ári kondıterlik ónimder sııaqty ónimder alýǵa bolady.
«Búgin biz Abaı oblysynyń atynan qatysyp otyrmyz. Astanaǵa ekologııalyq taza bal satatyn 6 sharýa qojalyǵy keldi. Biz óz ónimderimizdi tek Qazaqstan boıynsha emes, shetelge de jetkizemiz. Bizdiń bal – eń taza ári ekologııalyq paıdaly ónim», dedi fermer Rýslan Hıjın óz ónimderi týraly.
Jalpy, Abaı men Qyzylorda oblystarynyń aýyl sharýashylyǵy taýaryn óndirýshiler jármeńkege 400 tonna kúrish, 100 tonna balyq, 100 tonna sıyr men jylqy eti, sondaı-aq 30-40 tonnaǵa jýyq bal ákeldi.
«Biz jármeńkelerden únemi azyq-túlik satyp alýǵa tyrysamyz. О́tken aptada Atyraý oblysynyń balyqtaryn satyp alyp, rıza boldyq. Búgin jańa pisken jemis jáne kókónisti satyp aldyq. Meniń oıymsha, baǵalar óte qolaıly. Endi kelesi jármeńkeni kútip otyrmyz», deıdi elorda turǵyny Sanjar Otaýbaı.
Bıyl jármeńke Qarqaraly tas jolyndaǵy «Qazanat» ıppodromyna qarama-qarsy orynda ótedi. Qala turǵyndaryna ári qonaqtaryna yńǵaıly bolý úshin jármeńkelerdi ótkizý kezeńinde №18, 37, 303, 323 baǵytyndaǵy avtobýs marshrýttary qamtamasyz etiledi. Jármeńkeler ár demalys kúnderi 27 qazanǵa deıin ótedi.