Ánshi, prodıýser, Reseıdiń eńbek sińirgen ártisi Valerıı Meladze Astanadaǵy jeke konsertinde elorda men onyń turǵyndary týraly oıymen bólisti, dep habarlaıdy Egemen.kz.
Ol el astanasy oǵan esten ketpes áser syılaǵanyn atap ótti.
«Astananyń qurylysy alǵash bastalǵan kezde, tipti endi josparlanǵan ýaqytta da osynda boldyq. Sondaı-aq, biz Astana el astanasy bolǵan shaqty da óz kózimizben kórdik, al endi sulýlyǵyna kúnde tamsanyp júrmiz. Munda kelgen saıyn qalanyń ósý qarqynyna eriksiz tań qalamyz. Bul qarapaıym ǵana zamanaýı qala emes. Bul – bolashaqtyń qalasy! Biz kóptegen qalada boldyq, álbette eń bastysy – jergilikti turǵyndary ekeni sózsiz», dep Meladze sahnada turyp oıyn bildirdi.
Valerıı Meladze elordanyń názikjandy turǵyndaryna erekshe nazar aýdardy.
«Biz er adamdar ádette áıel zatyna, osy ádemi qalanyń sánin arttyratyn qyzdarǵa erekshe kóńil bólemiz. Endigi oryndaıtyn ánimizdi názik jaratylys ıelerine, zalda otyrǵan bıkeshterge jáne Astananyń sulýlaryna arnaımyz», dep ánshi «Kak ty krasıva segodnıa» ánin oryndady.