Rejısser Ashat Kýchınchırekovtiń «Baýyryna salý» fılmi Oskar komıtetiniń «International Feature Film» atalymyna usynyldy. Kórkem týyndy jýyrda ǵana «Tulpar» ulttyq syılyǵyn ıelengen edi. Aıta keteıik, atalǵan fılm Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen túsirildi.
Amerıka akademııasynyń daýys berýi úsh kezeńde ótedi. 9-13 jeltoqsan aralyǵynda akademıkter shortlıst jasaqtaıdy, ol 17 jeltoqsanda jarııalanady. Daýys berý 8-12 qańtar aralyǵynda ótedi. Onyń qorytyndysy boıynsha 17 qańtarda barlyq sanattaǵy nomınanttar belgili bolady. Al úshinshi – sońǵy kezeń 11-18 aqpan aralyǵy.
Jeńimpazdardyń esimi 2 naýryzda Los-Andjeleste konvertterdi ashý saltanatynda jarııalanady. Eger fılm nomınant retinde usynylsa, rejısser shaqyrtý alady. «International Feature Film» sanatyndaǵy músinshede memleket pen fılmniń ataýy, rejısserdiń esimi kórsetiledi.