Batys Eýropadaǵy saılaýdy baıqaýdyń alǵashqy tájirıbesi

Sapar aıasynda 28 qyrkúıek­te Nurlan Ábdirov halyqara­lyq baıqaýshylar delegasııalary úshin Aýstrııa Ishki ister mınıstrliginiń Saılaý máseleleri jónindegi departament basshysy Gregor Vendanyń brıfıngine qatysty. Keıin olardyń ekijaqty formatta kezdesýi ótti.

Qazaqstan ókilderiniń Aýst­rııa­daǵy saılaýdy baıqaýǵa qatysýynyń mańyzyn atap ót­ken OSK basshysy halyqaralyq baıqaýshylarǵa qolaıly jaǵdaı jasaǵany, sapardyń mazmun­dy baǵdarlamasy úshin rıza­shy­­lyǵyn bildirdi. Sondaı-aq ol Aýstrııa azamattarynyń Qazaq­stan­daǵy saılaýdy baıqaýǵa qaty­sýyn joǵary baǵalaıtynyn atap ótti. Aıta ketý kerek, 2022 jylǵy 20 qarashada ótken Qazaq­stan Prezıdentiniń kezekten tys saılaýyna DIAQB EQYU Mıs­sııa­syna Aýstrııa ókili qatyst­y. 2023 jylǵy 19 naý­ryzda Qazaqstan Parlamentiniń tómen­gi palatasynyń (Májilis) kezekten tys saılaýyna EQYU DIAQB Mıssııasynyń quramynda Aýstrııanyń jeti baıqaýshysy, sondaı-aq Aýstrııa ınstıtýtynyń eýropalyq saıasat jáne qaýipsizdik saıasaty jónindegi basqarma múshesi doktor Martın Sajdık qatysty.

«Qazaqstan bedeldi halyq­aralyq uıymdardyń belsendi múshesi bola otyryp, erkin jáne básekelestik saılaý ótkizý boıynsha ózine qabyldaǵan mindettemelerdi naqty ustana­dy. Saılaý elimizde ulttyq zańnamaǵa sáıkes ashyqtyq, aıqyndyq jaǵdaıynda ótedi. Biz óz qyzmetimizde úkimettik emes uıymdarda, partııalarda, azamattarda ózara tyǵyz is-qımyl jasaı otyryp, jarııalylyq qaǵıdatyn qatań ustanamyz», dedi N.Ábdirov.

Sondaı-aq ol Gregor Vendany elimizdiń Prezıdenti Qasym-Jomart Toqaev bastamashylyq etken jáne 2022 jylǵy respýb­lıkalyq referendým qo­ry­tyndysy boıynsha halyq qolda­ǵan 2022 jylǵy konstıtýsııa­lyq reformaǵa qatysty elimizdegi mańyzdy saıası oqıǵalar týraly habardar etti. Buǵan qosa 30 jyl ishinde elimizde 39 eldik saılaý naýqany ótkenin, oǵan elimiz óziniń halyqaralyq mindettemelerine sáıkes DIAQB EQYU ókilderin únemi shaqyratynyn atap ótti.

OSK tóraǵasy sapar barysynda Aýstrııa Respýblıkasy IIM Saılaý máseleleri jónindegi departamentimen ózara túsinistik týraly ekijaqty memorandýmǵa qol qoıý múmkindigin qarastyrý týraly usynys aıtty.

29 qyrkúıekte N.Ábdirov daýys berýge arnalǵan bes ýchaskege baryp, daýys berý barysy men daýystardy sanaýdy baıqady.

30 qyrkúıekte OSK basshysy Parlament depýtaty Garold Trohpen jáne Aýstrııa Syrtqy ister mınıstrliginiń Ortalyq Azııa departamentiniń dırektory Gerhard Zaılermen kezdesti. Onda N.Ábdirov áriptesterine 2024 jylǵy 6 qazanǵa belgilengen Qazaqstanda AES salý jónindegi referendýmǵa daıyndyq barysy, referendým zańnamasyn jańar­tý boıynsha júrgizilgen ju­mys­ týraly habardar etti, son­daı-aq elimizde ótkizilgen saılaý sala­syn­daǵy saıası reformalarǵa egjeı-tegjeıli toqtaldy.

«Qazaqstannyń Ortalyq saılaý komıssııasy demokra­tııa­lyq ınstıtýttar jáne adam quqyq­tary jónindegi bıýromen (DIAQB) jáne EQYU-nyń Asta­nadaǵy baǵdarlamalar ofısimen turaqty jáne syndarly ózara baılanys ornatqan. DIAQB EQYU-men júıeli yntymaq­tastyǵymyz­dy damyta otyryp, bizdiń kez­desýlerimiz keıin­gi jyldary udaıy uıymdas­tyrylyp, turaq­ty konsýltasııalar rejimine kóshkenin qýana atap ótemin. DIAQB EQYU mıssııalarynyń baǵalaý qu­jattarynyń biz úshin ma­ńyzy týraly aıta keteıik. Biz óz jumysymyzda Mıssııa usy­nym­daryn muqııat zerttep, eskeremiz. Sonymen qatar bizde OSK janyndaǵy Sarap­shylyq keńestiń alańynda saılaý men referendýmdardy baı­qaý qorytyndylary boıynsha DIAQB Mıssııalarynyń Esep­terin ashyq talqylaýǵa shy­ǵarý dástúri qalyptasty. Keńes 2022 jyly quryldy, onyń qura­myna konstıtýsııalyq jáne basqa da quqyq salalarynyń belgi­li ǵalymdary, bedeldi qoǵam qaı­ratkerleri, ÚEU ókilderi, saılaý salasynyń praktıkteri kiredi. Bul pikirtalastar úlken qoǵamdyq qyzyǵýshylyq týdyratyny sózsiz», dedi N.Ábdirov.

OSK basshysy ótken jyldyń jeltoqsan aıynda Ortalyq saılaý komıssııasynyń 30 jyldyǵy­na arnalǵan «Konstıtýsııalyq reforma jáne saılaý júıesi» atty halyqaralyq ǵylymı-prak­tıkalyq konferensııa týraly aıtyp berdi. Konferensııa demokratııa, ashyq dıalog, tájirıbe almasý jáne halyqaralyq ynty­maqtastyqty nyǵaıtý jolynda elimizdegi ózgeristerdi jarııalaý úshin jaqsy platforma boldy.

OSK bastamasymen jarııa­lanǵan aǵylshyn tilindegi elekto­raldyq taqyryptaǵy kitaptar Aýstrııalyq áriptesterge tanys­tyryldy.

N.Ábdirov OSK halyqaralyq saılaý tájirıbesi men saılaý jáne referendýmdar týraly zań­namany bolashaqta bizdiń jaǵ­daıymyzǵa beıimdelý múmkindigi úshin belsendi zerttep jatqanyn atap ótti.

Aýstrııadaǵy saılaý úderisiniń ereksheligi – poshta arqyly aldyn ala daýys berý, sondaı-aq saılaý kúni tek saılaý bıýlletenderi boıynsha ýchaskelerde daýys berý.

Kezdesý sońynda N.Ábdirov áriptesterine Qazaqstandaǵy saılaý úderisterine qyzyǵý­shy­lyǵy úshin alǵys aıtyp, ynty­maqtastyqty odan ári nyǵaıtýǵa úmit bildirdi.

Jalpy, bul sapar – OSK-niń Eýropalyq odaq elderin­de­gi áriptesterimen baılanysyn keńeıtý aıasynda qalyptasqan táji­rı­besiniń qısyndy jalǵasy.