Astanada 5-12 qazan kúnderi aralyǵynda kórý qabileti tómen jáne zaǵıp sportshylar arasynda IBSA Paýerlıftıng jáne jatyp syǵymdaýdan álem chempıonaty ótedi, dep habarlaıdy Egemen.kz elorda ákimdiginiń baspasóz qyzmetine silteme jasap.
Atalǵan sporttyq is-shara Qazaqstanda alǵash ret uıymdastyrylyp otyr. Oǵan álemniń túkpir-túkpirinen jınalǵan eń myqty sportshylar qatysady. Chempıonatqa 9 elden 71 sportshy qatysady: Qazaqstan, Grýzııa, Ýkraına, Túrkııa, Mysyr, Lıvııa, Chehııa, Izraıl, Kenııa. Jalpy qatysýshylar sany 130 adamdy quraıdy, onyń ishinde jattyqtyrýshylar, kómekshiler jáne tóreshiler bar.
Bul chempıonat Qazaqstanda zaǵıp sportshylar arasynda paýerlıftıngten ótkiziletin álemdik deńgeıdegi alǵashqy is-shara bolyp sanalady. Chempıonat elimizde ınklıýzıvtikti qoldaýǵa jáne múmkindigi shekteýli jandardyń sportyn damytýǵa mańyzdy úles qosady
Is-sharaǵa kirý tegin.
Chempıonat Qazaqstannyń para paýerlıftıng federasııasy men zaǵıp sport assosıasııasymen uıymdastyrylyp, Týrızm jáne sport mınıstrligi men Astana qalasy ákimdiginiń qoldaýymen ótkiziledi.