PAVLODAR. 28 sáýir. Oblys ortalyǵyndaǵy Astana muz saraıynda ótken jeńimpazdar forýmy kezekten tys prezıdenttik saılaýda jeńiske jetken Nursultan Nazarbaevqa arnaldy. Bul týraly egemen.kz tilshisi habarlady.
Záýlim bıik ásem saraıǵa Prezıdent tiń saılaýdaǵy jeńisine aq nıet aq kóńilden tilek bildirýshi metallýrgter, munaıshylar, temirjolshyla, túrli etnomádenı birlestik ókilderi,ardagerler, kásipkerler, stýdent jastar, qala jurtshylyǵy jınaldy. Búkil qazaqstandyqtar sııaqty oblys halqy óz tańdaýyn jasap, qazirgi Prezıdentpen aldaǵy jaqsy ómirdi, senimdi bolashaqtaryn baılanystyrdy.
«Saılaý álem tańǵalǵandaı kóterińki kóńil kúıde, úlken uıymshyldyqpen ótti. Prezıdent jeńiske jetti. Al, osy kezekten tys saılaý ótkizý jóninde usynys bildirgen Qazaqstan halqy Assambleıasy barlyq qazaqstandyqtardyń qoldaýyna súıendi. Qazaqstan halqy óz Prezıdentin qoldady. Biz bolashaqqa senimdimiz. Saılaýdaǵy jeńisten keıingi osyndaı kóńil kúıden aıyrmasyn,- dedi oblystyq saılaýaldy shtab tóraǵasy Vıtalıı Svınsıskıı.
Forýmda jas bolsa da qurdastarynyń arasynda belsendiligimen kózge túsip júrgen stýdent Daryn Tájibaev ta óz oıymen bólisti. «Men Prezıdent saılaýyna tuńǵysh ret qatysyp, óz daýysymdy Nursultan Nazarbaevqa berdim. Bul meniń ómirimde umytylmastaı kún bolyp esimde qalady. Biz saılaýdyń, daýys berýdiń qandaı bolatynyn óz kózimizben kórdik. Bári de shynaıy, ashyq túrde ótti, demokratııa degen sózdiń aqıqaty osy eken, - dedi «Serpin-2050» baǵdarlamasy boıynsha bilim alyp jatqan stýdent. Taǵy bir stýdent Aqerke Imashhan da Prezıdent saılaýyna birinshi ret qatysqanyn, qobaljyp, tolqyǵanyn aıtty. «Eseıgenińidi sezinesiń. Eliń úshin kerek ekenińdi túsinesiń. О́z daýysymdy Nursultan Nazarbaevqa berdim. Barlyq qazaqstandyqtar sııaqty men de Elbasy saıasatyn qoldaımyn, aldaǵy jaqsy ómir , jaqsy kúnderge senimdimin, - dedi ol.
Jeńimpazdar forýmyna jınalǵan úlken top qatysýshylary elimizde tatýlyq pen tynyshtyq, birlik úshin qyzmet jasap kele jatqan Nursultan Nazarbaevty árqashan qoldaıtyndaryn, barlyq halyqty birge jumyla eńbek etýge, qazaqstandyq urpaqtar jalǵasyn ósirýge, baı qýatty memleket bolýǵa shaqyrdy.
Farıda Byqaı.
Derek: egemen.kz
Sýret: Valerıı Býgaev.