Atalǵan fakti elorda bazarynda anyqtalǵan, dep habarlaıdy Egemen.kz.
Polisia.kz-tiń jazýynsha, ustalǵan bazar satýshysynan jeke tintý kezinde veterınarııalyq baqylaýdan ótkeni týraly aýyl sharýashylyǵy janýarlarynyń ushalaryna mór basýǵa arnalǵan «aldyn ala tekserý» jalǵan móri tárkilengen.
Mórdi bir aıdan astam ýaqyt boıy qoldana otyryp, ol Astana bazarynda et satýǵa ruqsat berý úshin ákelingen et ónimderin «tekserýdi» júzege asyrǵan.
Ustalǵan kúdiktige jáne bazar ákimshiligine mal urlyǵyna jáne urlanǵan etti satýǵa qatysy bar bolýy múmkindigin anyqtaýǵa baǵyttalǵan tergeý amaldary jáne jedel-izdestirý jumystary júrgizilip jatyr.