Azııadaǵy ózara is-qımyl jáne senim sharalary jónindegi keńestiń (AО́SShK) volonterlik qozǵalystar kóshbasshylary sleti sheńberinde «Volonterlerdiń ekologııalyq problemalardy sheshýge qosqan úlesi» paneldik sessııasy ótti, dep habarlaıdy Egemen.kz.
Ekologııa jáne tabıǵı resýrstar vıse-mınıstri Mansur Oshýrbaev vedomstvonyń qorshaǵan ortany qalpyna keltirý jáne klımattyń ózgerý saldarymen kúresý jónindegi jobalarǵa volonterlardy tartýǵa baǵyttalǵan bastamalaryn usyndy.
Ekologııalyq aksııalardyń jetistikterine erekshe nazar aýdaryldy, atap aıtqanda Qyzylorda oblysyndaǵy «Syr qorǵany – sekseýil» jobasy barysynda 80 erikti Aral teńiziniń qurǵaǵan tabanyna 5 myńnan astam sekseýil kóshetterin otyrǵyzdy. «World Cleanup Day» aýqymdy aksııasy búkil el boıynsha 160 myńnan astam adamdy biriktirgen.
Sóz sońynda vıse-mınıstr ekologııalyq volonterlikti damytý mınıstrliktiń Qazaqstannyń turaqty jáne ekologııalyq qaýipsiz bolashaǵyn qalyptastyrý jónindegi kúsh-jigeriniń mańyzdy bóligi bolyp sanalatynyn jáne jastar uıymdarymen jáne volonterlik qozǵalystarmen odan ári yntymaqtastyqqa daıyn ekendigin jetkizdi.