Qosshy qalasynyń eń syıly turǵyny, jaqynda 100 jasqa tolatyn Uly otan soǵysynyń ardageri Nurǵasym Ájitaev referendýmǵa keldi, dep habarlaıdy Egemen.kz.
Ǵasyr qurdasy ózin áli de tyń sezinedi jáne el ómirindegi eleýli oqıǵadan qalys qalýdy jón dep sanamaıtynyn aıtady.
«Men úshin beıbitshilik pen birlik – eń mańyzdy qundylyqtar. Men referendýmǵa balalarymyzdyń, nemerelerimizdiń bolashaǵy úshin keldim. Elimizdiń irgesi berik, tuǵyry ornyqty bolsyn», dedi ardager.
Nurǵasym Ájitaev 1925 jyly burynǵy Semeı oblysy, Abraly aýdany, Saryqamys aýylynda dúnıege kelgen. 1943 jyly maıdanǵa shaqyrylyp, Novosibirdegi snaıperlik ýchılıshede oqıdy.
Ardager ekinshi dúnıejúzilik soǵystyń eń iri shaıqastaryna, sonyń ishinde Kýrsk shaıqasy men Berlın shtýrmyna qatysty. Áskerı joly úshin «Japonııany jeńgeni úshin», «II dárejeli Otan soǵysy» medaldarymen jáne Marshal Jýkovtyń medalimen marapattalǵan.
Otbasyndaǵy 7 bala, 10 nemere, 9 shóberesi atalaryn maqtan tutady.