Qazaqstannyń 18 jasqa deıingi tennısshiler arasyndaǵy birinshi raketkasy Ámir Omarhanov Qytaı astanasy Beıjińde aıaqtalǵan ITF J300 BEIJING 2024 CHINA OPEN týrnıriniń chempıony atandy, dep habarlaıdy Egemen.kz aqparat agenttigi.
Jasóspirimder arasynda álemdik reıtıngide 15-orynda turǵan Ámir fınalda ulybrıtanııalyq Olıver Bondıngpen (19 ITF Juniors) sheberlik baıqasty.
Birinshi sette ulybrıtanııalyq tennısshi taı-breıkte basym túskenimen, sodan keıin Qazaqstannyń jas juldyzy oıyn tizginin qolyna ala bildi – 6:0, 6:4.
Aıta keteıik, bul Ámirdiń jekeleı synda ITF Juniors dodalaryndaǵy altynshy tıtýly.
Budan buryn Qaraǵandy tennıs mektebiniń túlegi Taılandta (J300), Koreıada (J300), Mysyrda (J100), Grýzııada (J60) jáne Qaraǵandyda (J60) úzdik shyqqan edi.