Iran 7 qazan kúni áýe qatynasyna buryn engizilgen shekteýlerdi alyp tastady. Bul týraly Islam Respýblıkasynyń Azamattyq avıasııa uıymynyń ókili Djafar Iаzerlý málimdedi, dep habarlaıdy Egemen.kz aqparat agenttigi.
«Operasııalyq kedergilerdiń joıylýyna baılanysty áýe reısterine buryn jarııalanǵan shekteýler joıyldy. Búgin 23:00-den bastap (Astana ýaqyty boıynsha 00:30) reıster ádettegideı oryndalyp jatyr», - dedi Djafar Iаzerlý IRNA agenttigine.
Buǵan deıin málim bolǵandaı Irannyń Azamattyq avıasııa uıymy 6 qazan kúngi saǵat 22:30-dan 7 qazan kúngi 07:30-ǵa deıin eldegi barlyq áýejaılardan reısterdi toqtatqan.
Aıta keteıik, Iran Izraılge zymyrandar ushyrdy. Iemen de Palestına men Lıvandy qoldap, Tel-Avıvtegi Izraıldiń áskerı nysanasyna shabýyl jasaý úshin Iаfa ushqyshsyz ushaǵyn paıdalandy.
Izraıl óz kezeginde Irannan kek alýǵa ýáde berdi.