Teatr – ónerdiń bıik ordasy. Onyń kıeli sahnasynda kóńil kúı, qýanysh pen súıinish, aq jelken arman, sezim, ómirge degen kózqaras, ishteı tolǵanys, dúnıetanym – bári-bári astasyp jatady. Mine, Astanaǵa jolym túsip, taǵy da aýlasy gúl jaınaǵan óner ordasy Mýzykalyq jas kórermen teatry ǵımaraty aldynda turmyn. Bul úzdik jańa qoıylymdarymen teatr súıer kórermenin tánti etetin, jan dúnıemizge rýhanı baılyq syılaıtyn qasıetti meken ekeni jurtshylyqqa aıan.
Men munda Abaı men Toǵjan, Shámshi, Muqaǵalı, Tastan men Saltanat, Qaıyrkenmen qaıta qaýyshýǵa keldim. Qazaqstan qalalaryna gastroldik saparmen kelgende de jergilikti halyq Mýzykalyq jas kórermen teatry spektaklderin erekshe ystyq yqylaspen tamashalaıtynyn jıi estip júrmin. Baspasóz betterinde de az jarııalanyp jatqan joq.
Teatr. Sahna shymyldyǵy... Kórermen qoshemetiniń belgisi – qol shapalaqtaýdan keıin spektakl bastalysymen-aq, júrek tebirenip, kóńil shirkinniń sezimge toly pernelerin sherteri sózsiz. Keıipkerlermen birge bir kemede júzgendeı kúı keshesiń.
Shymyldyq jabylady. Qoıylym sońyndaǵy kórermenniń qoshemeti akterler óneri men olardyń eńbegine degen joǵary baǵa emes pe? Bas ııý men qurmet belgisi dep bilemin.
Biraz ýaqytqa deıin qoıylym áserinen shyǵa almaı, sol sezim jetegindegi kórermen qalaǵan teatryna qaıta-qaıta barary sózsiz...
Ǵazıza ÁLIBAI
Túrkistan oblysy,
Ordabasy aýdany