Qyzylorda oblysynyń Polısııa departamenti men oblystyq prokýratýra birlesip júrgizgen jedel shara barysynda jıhaz satatyn dúkenniń jalǵan jarnamasy arqyly birneshe ret alaıaqtyq qylmys jasaǵan 30 jastaǵy basqa oblystyń turǵyny ustaldy, dep jazady Egemen.kz
Kúdikti jelide ashqan paraqshasyna kórgen jandy qyzyqtyratyn jıhaz fotosýretterin ornalastyryp, olardyń arzanǵa satylatyny týraly jarnama jasaǵan. Osy arqyly Qyzylorda qalasynyń 4 turǵynyn jáne Shymkent qalasynyń 1 turǵynyn aldap, olardan 1 mln teńge alǵan. Qazir ol úıqamaqqa alyndy. Tergeý barysynda jábirlenýshilerge kelgen materıaldyq zalal tolyǵymen ótelip, qylmystyq is negizinen qaraý úshin sotqa joldandy. «Kıberpol» qyzmeti azamattarǵa áleýmettik jelidegi túrli habarlamalarǵa sene bermeýge jáne bógde adamdardyń aıtýymen jeke banktik málimetterdi jarııa etpeýge shaqyrady.