Qarjy naryǵyn damytý týraly zań jobasyn qaraıdy

Depýtattar birinshi oqylymda qarjy naryǵyn damytý jáne qarjylyq kórseti­letin qyzmetterdi tutyný­shylardyń quqyq­taryn qorǵaý máseleleri boıynsha ózgerister men tolyqtyrýlar engizý týraly zań jobasyn talqylaıdy.

Úkimet zań jobasyn Pre­zıdenttiń bank sektoryndaǵy ruqsat berý talaptaryn oń­taı­landyrý jónindegi tap­syr­masyn iske asyrý úshin ázirledi. Sondaı-aq 2023 jylǵy Prezıdent Joldaýyn iske asyrý aıasynda sheteldik enshiles bankter men olardyń fılıaldaryn ashý talaptaryn jeńildetýge qatysty qosymsha ózgerister engizildi. Usynylyp otyrǵan túzetýler qarjy sektoryna kásibı kadrlardy tartý jáne bank sektorynyń ınvestısııalaryna ákimshilik kedergilerdi azaıtý úshin jaǵdaı jasaýǵa tıis.

Ekinshi oqylymda depý­tat­tarǵa aqparatqa qol jet­kizý jáne qoǵamdyq qaty­sý máselelerine qatysty túzetýlerdi qaraý usynylady. Zań joba­sy múgedektigi bar adamdar­dyń aqparatqa qol jet­kizýin qamtamasyz etýdiń meha­nızmderi men quraldaryn bekitedi, sondaı-aq aqparatqa qol jetkizýdi qamtamasyz etý salasyndaǵy memlekettik baqylaýdy kúsheıtedi.

Kún tártibine Májiliske kelip túsken jańa zań jobalary da engizildi. Olardyń qatarynda «Mádenıet týraly» zańǵa ózgeris­ter, qyl­mystyq jolmen alynǵan kiri­sterdi zańdas­tyrýǵa (jy­lystatýǵa) jáne terro­rızmdi qarjylan­dyrýǵa qarsy is-qımyl máseleleri boıyn­sha túzetýler, ınno­va­sııalyq qyzmet salasyn memlekettik qoldaý júıe­sin jetildirýge qatysty zańnamalyq ózgerister jáne basqa da birqatar joba bar. Májilis bul zań jobalary boıynsha beıindi komıtetterge qorytyndy ázirleý merzimderin belgileýi qajet.