Jaqynda Qostanaı qalasynyń ákimi Marat Júndibaev quny 23 mıllıon teńgelik sý jańa Kia Sorento avtokóliginiń ıesi atandy. Alaıda ákim bul kólikti tender arqyly alǵan, dep habarlaıdy Egemen.kz.
Oblys ortalyǵynyń basshysy jergilikti BAQ ókiline jańa kólik ákim apparatyna tıesili ekenin aıtty. Ákimniń aıtýynsha, ol qalada jaıaý júre almaıdy, sondyqtan kólik alýǵa týra keldi.
«Iá, kólikti men júrgizemin, basqa amal joq. Meniń oıymsha, biz ózimiz shyǵaratyn avtokólikti satyp alǵanymyz durys sheshim boldy. Kólik ákim apparatyna tıesili», dedi Marat Júndibaev.
Onyń aıtýynsha, jańa kólik jumys isteý úshin qajet.
«Qazirgi ýaqytta kólik - qalam nemese kompıýter sııaqty asa qajetti qural. Bul naryqtaǵy ortasha baǵa. Eger men Mercedes nemese Jeep satyp alsam, onda barlyq narazylyq oryndy edi. Biraq men bul jerde aıtarlyqtaı eshteńe kórip turǵan joqpyn», dedi ákim.