Mádenıet jáne aqparat mınıstri Aıda Balaeva Armenııa Respýblıkasynyń Bilim, ǵylym, mádenıet jáne sport mınıstri Janna Andreasıanmen kezdesti.
Kezdesý Qazaqstandaǵy Armenııanyń mádenıet kúnderi aıasynda uıymdastyryldy. Bul eki el arasyndaǵy mádenı baılanysty nyǵaıtýda mańyzdy qadam boldy.
Kezdesý nátıjesinde 2025–2026 jyldarǵa arnalǵan mádenı-gýmanıtarlyq yntymaqtastyq salasyndaǵy ózara baılanys jónindegi is-sharalar josparyna qol qoıyldy. Qujat mýzeıler, shyǵarmashylyq ujymdar, sýretshiler arasyndaǵy baılanysty nyǵaıtýǵa, sondaı-aq jastar saıasaty men volonterlik qyzmetti damytýǵa arnalǵan.
Sonymen qatar Janna Andreasıan Armenııanyń mádenıet kúnderin ótkizýge atsalysqany úshin Qazaqstanǵa alǵys bildirip, kórnekti armıan rejısseri Sergeı Paradjanovtyń 100 jyldyǵyna oraı mańyzdy is-shara bolǵanyn atap ótti.
Kezdesý sońynda mınıstrler mýzeı jáne muraǵat isi salasyndaǵy yntymaqtastyqqa, sondaı-aq óner jáne derekti, kórkem fılmder túsirý salasyndaǵy seriktestikti damytýǵa qatysty kóptegen máselelerdi talqylady.