Brıtandyq ánshi, áıgili anglo-ırlandııalyq One Direction tobynyń burynǵy ánshisi Lıam Peın 31 jasynda Býenos-Aıreste qaıtys bolǵan, dep habarlaıdy Egemen.kz BBC-ge silteme jasap.
Argentına aqparat quraldarynyń habarlaýynsha, sársenbi, 16 qazanda ánshi CasaSur Palermo qonaqúıiniń úshinshi qabatynyń balkonynan qulap ketken. Qaıǵyly oqıǵa aldynda polısııaǵa qonaqúıden «esirtki nemese alkogoldik masań kúıde bolýy múmkin agressıvti er adam» týraly jedel qońyraý kelip túsken.
Oqıǵa ornyna jetken tótenshe jaǵdaılar qyzmeti ánshiniń aýyr jaraqat alǵanyn, onyń ishinde bas súıegi synǵan degen kúdik bar ekenin jáne onyń jedel járdem kelgenshe qaıtys bolǵanyn atap ótken.
Býenos-Aıres jedel járdem qyzmetiniń basshysy Alberto Kressentı jergilikti BAQ-qa bergen suhbatynda ánshiniń qaıtys bolǵanyn rastady.